Get Even More Visitors To Your Blog, Upgrade To A Business Listing >>

Israel Mbonyi yerekeje muri Canada(AMAFOTO)

Umuhanzi w’umunyempano ukunzwe cyane mu ndirimbo zo kuramya no guhimbaza Imana, Mbonyicyambu Israel yerekeje mu gihugu cya Canada gukorerayo ibitaramo binyuranye.

Mbonyi witegura kuzuza imyaka 26 ari mu bahanzi ba mbere bakomeye Muri Gospel nyarwanda, benshi bakaba baramumenye mu ndirimbo nka Intashyo, Ndanyuzwe , Number One, Ku musaraba, Ku migezi n’izindi nyinshi.

Israel Mbonyi ari mu bakunzwe cyane muri Gospel nyarwanda
Israel Mbonyi ari mu bakunzwe cyane muri Gospel nyarwanda

Ku mugoroba wo kuri uyu wa Mbere Tariki ya 23 Mata 2018, Nibwo Israel Mbonyi yafashe Rutema ikirere maze yerekeza mu gihugu cya Canada kuhataramira.

Mbonyi yuriye rutema ikirere yerekeza muri Canada
Mbonyi yuriye rutema ikirere yerekeza muri Canada

Ibi bitaramo Israel Mbonyi agiye gukorera muri Canada bizabera mu mijyi wa Edmonton na Ottawa, byose bikaba bizakorwa mu buryo bwa Live.

Mbonyi agiye gutaramira mu mijyi ya Edmonton na Ottawa ho muri Canada
Mbonyi agiye gutaramira mu mijyi ya Edmonton na Ottawa ho muri Canada

IBY’INGENZI WAMENYA KURI ISRAEL MBONYI

Israël MBONYICYAMBU, wamenyekanye ku izina rya Israël MBONYI yavutse tariki  20 Gicurasi 1992 mu gihugu cya Repubulika Iharanira Demokarasi ya Congo,akaba yaramenyekanye  mu indirimbo zihimbaza Imana (Gospel).

Ni mwene BIZIMANA Shushe Jean Claude na MURORUNKWERE Dorcas,  ni umwana wa gatatu mu muryango w’abana barindwi (abahungu 3 n’abakobwa 4).

Amashuri abanza yayize kuri Ecole Primaire Kabusunzu ya Kimisagara, ay’isumbuye (Icyiciro rusange) yize kuri ESN i Nyanza, arangiriza muri Ecole d’arts ku Nyundo mu ishami ry’imibare,ubutabire n’ubugenge (Maths,Chemistry and Physics),kaminuza ayikomereza mu buhinde muri “Annamalai University” mu ishami ryibijyanye n’imiti (Pharmacy) akaba afite icyiciro cya Kabiri cya Kaminuza (Bachelors degree).

Yatangiye gutinyuka kuririmba ku giti cye ubwo yigaga mu buhinde  ndetse asohora umuzingo w’indirimbo wa mbere yise “Number One”, tariki 22,werurwe,2014.

Uyu muhanzi akaba amaze kwegukana ibihembo bitandukanye: Gospel Festival Award yaherewe mu gihugu cy’ubuhinde ndetse na Groove Awards mu Rwanda n’ibindi byinshi.

The post Israel Mbonyi yerekeje muri Canada(AMAFOTO) appeared first on Touchrwanda.com.



This post first appeared on Rwanda Entertainment News - Touchrwanda.com, please read the originial post: here

Share the post

Israel Mbonyi yerekeje muri Canada(AMAFOTO)

×

Subscribe to Rwanda Entertainment News - Touchrwanda.com

Get updates delivered right to your inbox!

Thank you for your subscription

×