Vawiin ah Cmwa Kut ni ah thu ka sawi thei hi lawmthu ka sawi duh a ni.
CMWA motto “Unity for a better tomorrow” CMWA din chhan leh a awm zia.
Chennai ah hian Mizo nih a nuam em em a, Tlawngaihna nun hi kan vawng mawi viau in ka hria, a bik tak in kan member te nen kan tang ho a mi tanpui ngai, hlawh la thei lo, dam lo thisen pek ngai te leh ruang thawn chhoh thleng in, mahni hun leh pawisa hlu hmang a tlawmngai tak a rawn thawk chhuak “Tlawmngaihna” hi kan mizo Culture kan chawimawi duh tak a chu a ni. Kan hnam lam leh in chei te hi kan ngaih pawimawh viau lai in, kan thinlung ah “Tlawmngaihna” hi a nun lo Chuan hnam bo kan ni mai dawn a ni.
Vawiin ni kut hi tun hma kha chuan Zirlai leh hnathawk haw tur te Farewell atan kan hmang thin a, in thlah na hun ah te pawh kan hmang thin. Tun kut hi Member chhuak tur te kan thlahna a ni nghal pah bawk a, member hlui fel tak leh tangkai tak, tlawmngai tak tak te chung ah Chennai Mizo Welfare member in nih lai a, in impumpekna te, chhiatni ah te mahni sum leh pawisa pawh ui lo a, tlawmngaihna in chhuah thin na ah te CMWA ai awh in lawmthu ka sawi duh a ni. Hetiang kut ah hian Mizo ze mawi – rinawmna te, taihmakna te, dikna te, tlawmngaihnate theihnghilh lo a, kan zo nun ze mawi uar leh zual tur in ka rawn sawm duh che u a ni.
CMWA hi kan in lungrual leh na em em chu kan inkhawm na hi a ni, kohran bil serh leh sang awm lo in kan inkhawm a, eng political party emaw Kohran sawichhiat emaw sawimawi tum na a awm lem lo. Kan fellowship ah hian pawl khat tih dan bik kan zawm lo. Welfare hian mahni kohran kan lawina theuh ah member chak leh tha ni theuh tur in a duh a ni.
Kan Hma lakna te:
Constitution Amendment– CMWA chuan Constitution amendment.
2(a) Membership fee chunchang te
3 (a) Member nihna atanga ban theih na te
5 (3) CMWA OB Kum 2 tal experience
5 (12) OB te a zawn in kum 3 ai tam post ngai an chelh thei tawh lovang.
6 (1,h) leh 3(g) Pawisa hman theih zak limit.
6 (8) Cultural Secretary chu Sports and Cultural Secretary tih a ni tawh ang.
8 (1) Kum chhiar August to July kha July to June a ni ang.
12. Chhiatni thatni ah tanpuina in pek tur zat siam that a ni.
13. Pathian Biak Inkhawm Chungchang clause la awm lo dah a ni – CMWA Inkhawm in kaihruai dan tur te, kohan bil serh leh sang tel phal a nih loh te, inkhawm kalphung te, Krismas leh Good friday hman dan tur te a tel a ni.
Sound system: Kar tin 2016 thelng khan CMWA in Rs 2,500 sound system kan pe thin a, hemi sum kal hek lutuk tih reh nan, CMWA member tlawmngai te pawisa thawh khawm bak ah lucky ticket te kan siam a, Rs 100,000 vel lakhawm thei in, Kum khat a Rs 1000,000 sound system hawh nan a hmang thin khan Rs 87,430 vel man sound system kan lei hnu kha chuan sum kan save phah ta hle a ni.
CMWA Registration: CMWA chuan pawl ang a kan din ve tak ah chuan Executive committee in in Register tha kan ti a, Nov 4, 2016 khan Tamil Nadu Act 1975 hnuai ah Sl No. 556 kan in register ve a ni.
CMWA Bank account:CMWA chuan kum 2016 khan PAN no leh Bank Account te nei ve in, HDFC bank account 50100211799400 CMWA sum dah that nan kan hmang a ni. Hmun hla tak a pawisa thawn dawn emaw pawisa dawn dawn pawh in a tangkai hle. Tun hma a kan treasurer bank account a dah ringawt thin kha kan pawl account ah kan dah tawh zawk a ni.
Hna thawk te kan inkhawmpui: Chennai ah hian 60% dawn hi hnathawk te an ni a, a tam zawk hi Sunday ni ah hnathawh ngei ngei a ngaih avang in, an rawn inkhawm ve hman thin lo va, inkhawm na hun Velachery leh Besant Nagar ah te hman pui thin a ni.
Chennai Mizoram House: Chennai ah Mizoram house mamawhna hi a nasa em em a, dam lo mai bak ah zirlai leh hnathawk te tan. CMWA chuan ngenna Mizoram sorkar ah kan thlen a, Mizoram CM in Tamil Nadu lekha thawn in, tunah hian Tamil Nadu Sorkar atangin ram min pek kan nghak mek a ni.
CMWA Kut : Farewell kan tih thin hi tunah chuan Chennai Mizo Kut a thlak a ni. Chennai a Mizo awm te pawh tun hma a Zirlai hlir awm thin kha, tunah chuan Hnathawk te kan lo tam ve ta deuh a, mi huap zau tam zawk leh Mizo Culture chawimawi nan Chennai Mizo kut hi hman tan a ni.
Sum lam ah Hmasawn na
CMWA sumBalance: Kum tin Balance en chuan member te tha hnem ngaihna vang leh Pathian Malsawmna zar ah kan sum neih pawh a pung ve zel.
2015-2016 Worship/ Welfare = Rs 53,1072016-2017 Worship/ Welfare = Rs 88,447
2017-2018 Worship/ Welfare = Rs 212,263
2018-19 Worship/ Welfare = Rs 304,974
CMWA Directory: member zat pawh kan pung chho vel zel:
2015-16= 461
2016-17 = 463
2017-18 = 654
Christmas ni inkhawm dan
2016 -17= 185
2017-18 = 259
2018-19 = 286
2017-18 = 259
2018-19 = 286
Freshers day Attendance
2016 -17= 160
2017 -18= 148
2018-19 = 240
Mi Kan tanpui na te:
Mi thi kan buaipui te: Heng a hnuai a mi te hi CMWA in thlahna neih bak ah a ruang te Kan Thawn Haw a, a tul ang in Police NOC, Post Mortem, a Kuang siam na leh a kalpui tur leh ruang thawn zawng zawng kan buaipui a, heng ruang thawn chhoh hi a hautak a, member te tawimawm na leh tlawmngaihna avang in Chennai Mizo te’n kan buaipui fel thei hi a lawmawm tak zet a ni.
- Tv Lalpianmawia S/o Lalremruata
- Pi Hawilopari W/o Dr. Biakmawia Durtlang
- Tv Malsawma, Chhingchhip
- Tv. Lalramngaihsanga (K-19) S/o. Siakkama, Zemabawk
- Nl. Lalduhsangi.Kum-24 d/o Lalchungnunga N.E Khawdungsei
- Nl. Elizabeth Zaihmingthangi (K-32) D/o. John Lalzuithanga, Khawzawl
- Pi Lalrinawmi (K-36) d/o Kapthuama, Zemabawk
Welfare hian theih pa tawp in kan in tanpui ve zel a, a chang chuan kan Mizo unau te thiam loh chang te pawh a awm, mahse Mizo an nihna ang in theih ang ang mi kan tanpui zel a ni. A then chu Police tanpuina in hma kan la a, an hlawh te a tul ang a pek let an ni. Mi 26 lai tun kum 3 kal ta khan tanpui an ni.
Thisen pek na te:
Chennai a dam lo liver transplant nei te, Chennai Mizo tlawmngai te’n thisen kan pek te chu.
Pi Hawilopari W/o Dr. Biakmawia tan mi 27 in thisen kan pe.
Dr Thangkima tan mi 29 in thisen kan pe bawk:
Vellore lam ah.
Pu Laldingliana Sailo leh Pu Vanrampanmeka te tan unit 6 pek a ni.
Pr Zosangliana leh Pu Bonny Lalrindika te tan Zirlai leh hnathawk te’n tlawmngai in thisen Unit 10 vel pek bawk a ni.
Spa a hnathawk te:An chhung te leh Mizoram sorkar lam te an haw chhoh na tur in kan bia a, chu mai piah lam ah Welfare ang pawh in awareness te siam in, Chennai a awm te hriat a tan Welfare chuan thuchhuah kan siam a, Mizoram lam ah pawh Media lam ah te press release kan siam a ni. Spa a hnathawk, Police man hi mi 8 lai kan tanpui ve hman a ni.
Mi Thawn haw:
CMWA hian Nula leh Tlangval thenkhat Mizo ti hminghhia Zu leh ruihtheih thil tih vang a buaina siam te kan thawn haw ve bawk. Mi 5 kan thawn haw. Heng mi te hi Mizo kan hmingchhiat loh nan leh an mahni nunna him zawk kan duh vang a kan thawn aw te an ni. Kan thawn haw te hi an thian te pawh in buaipui ngaihna an hriat tawh loh leh khawtlang tan a buaina siam, mizo ti mualpho thei te an nih avang a thawn haw kan ni.
CMWA mi bo kan zawn chhuah:
CMWA member te chuan mi bo theihpa tawp in kan zawng a, kar 2 vel zawn hnu ah hmuh a ni.
Dam lo Tanpui te:
CMWA in Dam lo, accident vang te leh natna tuar nasa theih pa tawp in kan tanpui thin a, pawisa a tanpui mei bak ah tlawmngai a awmpui tu tur te te pawh kan zawn sak thin a ni. Mi 7 buaipui a tanpuina pek an ni. A serious viau chuan Mizoram lam a an hawn dan tur kan ngaihtuah pui thin.
- Nl Zothanpuii
- Mapuia
- Vanlalhriata
- Clement Lalthlamuana
- Martin
- Vanneihsanga
- Zosangliani
Hna hmu lo hna hmuh sak:
Chennai ah hna rawn zawng a rawn chhuk ve tawp te leh hna agent leh broker te bum vang a buai te tanpui an ni bawk a. Restaurant ah emaw Spa tha deuh ah an thawh na tur te kan zawng sak thin. A then chu hna an zawm hnu pawh in an hnathawhna ah buaina te an siam a, thawk chhunzawm thei lo te pawh an awm. Mi 6 tanpui an ni.
Mi Thil ru:
Chennai ah Mi thil ru 4 man buaipui a ni a, pakhat chu police station ah man a ni nghe nghe. An chhung te hrilh in rawn buaipui tur a hrilh hriat an nia. A then chuan an chhung te number an neih loh avang in YMA kal tlang a biak pawh an ni.
Police case nei buaipui:
Chennai ah police case nei buaipui kan nei nual a, a tam zawk chu an thiam loh vang te pawh a ni. An thiam na lam ah chuan CMWA in FIR kan file sak a, a dang pahnih ah chuan an bail na tur an chhung te rawn thawn tir an ni. Mi 10 Police case nei buaipui an ni.
A tawp ber ah lawmthu sawi tur a tam a, a hmasa ber ah Pathian min malsawmna leh min awmpui avang in a hnenah lawmthu ka sawi duh a. Kan chhungkua, a bik tak in ka nupui Irene chung ah lawmthu ka sawi duh a. Chuan CMWA ka OB pui te, executive committee member leh sub committee hrang hrang a tlawmngai te chung ah lawmthu ka sawi duh bawk a ni.
CMWA Bible Chang a tan hei hi ngai I la:
Matthew 25: 35-40 “ Ka ril a ṭâmin nangnin ei tûr mi pe a; ka tui a hâlin in tûr mi pe a; mikhual ka nihin mi thleng a; saruaka ka awmin puan mi sintîr a; ka dam lohvin mi kan a; tân ina ka tânin mi tlawh a,’ a la ti ang.
“Tichuan, mi felte chuan, ‘Lalpa, engtikah nge rilṭâma kan hmuh che-a chaw kan pêk che? Tuihâlin i awma tui kan pêk che? Engtikah nge mikhuala kan hmuh chia kan thlen che? Saruaka i awma puan kan sintîr che? Engtikah nge dam lovin emaw, tân inah emaw kan hmuh che-a kan tlawh che?’ tiin an la chhâng ang. Lalber chuan, ‘Thu dik ka hrilh a che u, hêng ka unau tê berte zînga pakhat chunga in tih chu, ka chunga ti in ni,’ tiin a la chhâng ang.”
CMWA hian kan kal zel na ah Matthaia 25:35-40 hi kan bible chang ah hman in a tul ang ah mi tanpui a tlawmngai zel tur in ka sawm a che u a ni.
Tling lo tak leh fel lo tak a hruaitu ka nih chhung a member te dawh thei tak a ka thil tih sual ah te min fin chhuah na leh min lo hriat thiam na ah lawmthu ka sawi duh a ni. Welfare ka awm hnu hian ka vun a chhah ta deuh a, ka tum loh avang in member te leh thawhpui te chung ah in rilru te ka lo ti na a nih chuan, in hriatthiam na ka rawn dil e. Ka lawm e.CMWA Vul zel rawh se.
