Chaar din Jindagi jeene ki hai kalpana

jindagi ke haseen palo ko peene ki hai kalpana|

Zinda raha toh fizaon ka lutf lenge

warna maut ke aagosh mein sone ki hai kalpana|

Balyakaal mein milta hai apaar sukhon ka bhandaar

warna kisko padi hai karne ki apne bhavishya ki kalpana|

Kishoravastha pradaan karti hai adamya saahas aur buddhi

toh agle dehleej par kadam rakhti hai jawani ki kalpana|

Anant gyaan ki prapti mein jahan gujar jati hai umar

toh koi karta hai use chand lamho mein sametne ki kalpana|

Saansarik moh maya ka bandhan koi samajh na paya hai

jisko bhagya ne bhi thaani thi sawaarne ki kalpana|

Jindagi nashwar hai so jindagi ka maja utha le

warna sehem jane ke baad hogi pachtawe ki kalpana||