وحشتیں عشق اور مجبوری
کیا کسی خاص امتحان میں ہوں
جب سے اس شہر بے مکان میں ہوں
میں ترے اسم کی امان میں ہوں
گنبد شعر میں جو گونجتی ہے
میں اسی درد کی اذان میں ہوں
میں نے تنہائیوں کو پا لیا ہے
اس لیے خواب ہی کے دھیان میں ہوں
تتلیاں رنگ چنتی رہتی ہیں
اور میں خوشبوؤں کی کان میں ہوں
وحشتیں عشق اور مجبوری
کیا کسی خاص امتحان میں ہوں
خواہشیں سایہ سایہ بکھری ہیں
اور میں دھوپ کے مکان میں ہوں
میں ہوں پیکان درد اے خورشیدؔ
اور اک یاد کی کمان میں ہوں
خورشید ربانی
wahishtey ishhq aur majboori
kya kisi khaas imtehaan mein hon
jab se is shehar be makaan Mein Hon
mein tre ism ki Amaan mein hon
gunbad shair mein jo gunjti hai
mein isi dard ki azaan mein hon
mein ne tanhaiyon ko pa liya hai
is liye khawab hi ke dheyaan mein hon
titliyan rang chunti rehti hain
aur mein khushbuon ki kaan mein hon
wahishtey ishhq aur majboori
kya kisi khaas imthehaan mein hon
khuwaishe saya saya bhikri hain
aur mein dhoop ke makaan mein hon
mein hon paikaan dard ae Khurshid
aur ik yaad ki kamaan mein hon