Hebba Patel : మంచి ఆరంభం లభించినా హెబ్బా పటేల్ కి కాలం కలిసి రాలేదు. కథ ఎంపికలో తడబడిన అమ్మడు ఫేడ్ అవుట్ దశకు చేరుకుంది. అడపాదడపా ఆఫర్స్ తో నెట్టుకొస్తోంది. హెబ్బా పటేల్ అధ్యక్ష అనే కన్నడ మూవీతో వెండితెరకు పరిచయమైంది. తెలుగులో అలా ఎలా? అనే ఒక చిన్న చిత్రంతో అడుగుపెట్టింది. అయితే కుమారి 21ఎఫ్ మూవీతో ఓవర్ నైట్ స్టార్ అయ్యింది. 2015లో సుకుమార్ నిర్మాతగా కుమారి 21 ఎఫ్ తెరకెక్కింది. పలనాటి సూర్య ప్రతాప్ దర్శకుడు.

న్యూ ఏజ్ డ్రామా తెరకెక్కిన కుమారి 21 ఎఫ్ యూత్ ని బాగా ఆకట్టుకుంది. ఊహించని విజయం సాధించింది. హీరో రాజ్ తరుణ్ కెరీర్లో భారీ హిట్ గా కుమారి 21ఎఫ్ నిలచింది. అయితే అదే ఆమెకు చివరి హిట్. ఒకటి రెండు చిత్రాలు పర్లేదు అనిపించినా ఆమెకు ఫేమ్ తేలేకపోయాయి. అలాగే హెబ్బా స్మాల్, మీడియం బడ్జెట్ చిత్రాలకే పరిమితం చేశారు. కనీసం టైర్ టు హీరోలు కూడా ఆమెకు ఆఫర్స్ ఇవ్వలేదు.

శ్రీను వైట్ల దర్శకత్వంలో వరుణ్ తేజ్ కి జంటగా మిస్టర్ మూవీ చేసింది. అది అట్టర్ ప్లాప్. 2017 తర్వాత హెబ్బా కెరీర్ నెమ్మదించింది. ఈ క్రమంలో గెస్ట్ రోల్స్, స్పెషల్ సాంగ్స్ కి పడిపోయింది. భీష్మ మూవీలో చిన్న పాత్ర చేసింది. రామ్ పోతినేని రెడ్ చిత్రంలో స్పెషల్ సాంగ్ చేసింది. ఆఫర్స్ లేకపోవడంతో ఒంటిపై కూడా శ్రద్ద వదిలేసింది. ఊహించని విధంగా హెబ్బా బరువు పెరిగింది. రెడ్ మూవీ సాంగ్ లో హెబ్బాను గుర్తించలేకపోయాము.

మరలా శ్రమించి మునుపటి షేప్ సాధించింది. హెబ్బా డిజిటల్ సిరీస్లు, చిత్రాల్లో నటిస్తోంది. ప్రస్తుతం శాసనసభ, తెలిసిన వాళ్ళు అనే రెండు తెలుగు చిత్రాలు చిత్రాల్లో నటిస్తోంది. అలాగే మరో రెండు తమిళ చిత్రాలు ఆమె ఖాతాలో ఉన్నాయి. అదే సమయంలో సోషల్ మీడియా వేదికగా గ్లామర్ షో చేస్తుంది. హీరోయిన్ గా రాణించాలంటే హాట్ ఫోటో షూట్స్ తప్పనిసరి. దర్శక నిర్మాతలు ఆఫర్స్ ఇవ్వాలంటే అందాలు ప్రదర్శించాల్సిందే. అందుకే హెబ్బా ఇంస్టాగ్రామ్ లో వరుస ఫోటో షూట్స్ తో హోరెత్తిస్తున్నారు.

View this post on Instagram

A post shared by Hebah P (@ihebahp)