એસી, હીટર, એ શું શરીરની જરૂરીયાત છે કે...?

ફક્ત માણસ જ નહીં પણ આ દુનિયાનાં કોઈપણ જીવ, જેઓ જીવિત છે, તેઓ દુનિયાનાં કોઈપણ પ્રકારના તાપમાનનાં ફરકને સહન કરી શકે એટલી સખ્ત આંતરિક રચના ધરાવે છે.

પરંતુ અહીં થોડી કાળજી રાખવી પડે.

દુનિયાના ઉત્તર ગોળાર્ધમાં, સાઈબેરિયા પ્રદેશમાં કાતિલ ઠંડી સામે લોકો જીવે જ છે જયારે સેન્ટ્રલ આફ્રિકામાં ઇવન ૫૫ ડીગ્રી સેલ્સીયસ સાથે લોકો સહન કરે છે. પણ અહીં ખરેખર સમજવાનું એ આવે છે કે, આ બધી પરિસ્થતિઓમાં માણસ(જીવ) ઘડાય ગયો છે. તેઓ આ પ્રકારની પરિસ્થતિ હજારો વર્ષોથી સહન કરતા આવ્યા છે એટલે જ આ સહન કરી શકે છે.

એટલે ટેકનીકલી, કોઈપણ તાપમાનમાં ધીરે ધીરે થતો વધારો-ઘટાડો આપણે સહન કરી શકીએ. પણ એક જ સાથે ટૂંકા ગાળામાં આવતો ફેરફાર આપનું શરીર વધારે સમય સુધી હેન્ડલ નથી કરી શકતું. કારણકે, શરીરની અંદર કાર્યરત મશીનરીને પ્રક્રિયા કરવામાં લાગતો સમય તો અચલ જ છે.

આપણે ત્યાં ભારતમાં, વાતાવરણ બદલાતા બદલાતા ૪ મહિના લાગે છે. જેની સાથે સાથે આપણા શરીર ને પણ સમય મળી રહે છે.

હવે ગરમીમાં તાત્કાલિક ઠંડીની જરૂરીયાત અને ઠંડીમાં તાત્કાલિક ગરમીની જરૂરીયાત એ શરીરનો ખોરાક નથી પરંતુ આપણા દિમાગનો ખોરાક છે.

આપણે એસી ચાલુ કરીને આપણા શરીર ને સંતોષ નથી આપતા પણ આપણા દિમાગને આપણે કાબુમાં લીએ છીએ.

જો આપણે આપણા દિમાગી પ્રક્રિયાઓને કાબુમાં લઇ શકીએ તો દરેક વસ્તુ સંભવ છે.

શરીરની આંતરિક મશીનરીનું જ્ઞાન જ ભારતની દેન છે. અને આપણે સદીઓથી આ વિષયો પર કાર્ય કર્યું છે. પણ હાલની એજયુકેશન સીસ્ટમમાં આ આંતરિક જ્ઞાનનો કોઈ સ્કોપ જ નથી.

સાચું જ્ઞાન જ એ છે કે, આપણે કોઈપણ પરિસ્થતિ સામે દિમાગને તૈયાર કરી શકીએ.

- કમલ