Read this full post હિસાબ ચૂકતે! on Swati's Journal.
Related Articles
ચાલ, આજે છુટ્ટા પડતા પહેલા હિસાબ કરી લઈએ,
પોત-પોતાનાં હિસ્સાની જણસો વહેંચી લઈએ.
બહુ લીધું-દીધું તો કંઈ નથી, જો ને નડ્યા આ સમય ને અંતર;
હા, છે થોડી વાતો, થોડા પરિહાસ ને ઢગલો મત-મતાંતર.
લઈએ પ્રેમ ને પીડા અડધા-અડધા, પ્રાર્થનાઓ સૌ તારી;
બસ, તારું મન હું રાખી લઉં છું, બાકી ન કોઈ ઉધારી;
હિજરાવાનો હક્ક હું રાખું, શાતા તારે નામે કરીએ;
વીણી-વીણીનેે કામનાઓની નાની-મોટી ગાંસડી ભરીએ.
એળે ગયેલી મંછાઓનો આખો એક ઓરડો ભર્યો છે;
તારે જોઈએ તો લઇ જા થોડી, મેં એ દાવો જતો કર્યો છે.
આ લાગણીઓનું શું કરવાનું ? બહુ ભારી વિમાસણ છે;
જોખી, સરખી વહેંચી લઈશું , માપનું કોઈ વાસણ છે?
સુખ, શમણાં તું લઇને જાજે, જબરો મોટો ભારો છે;
અજંપાઓને હું રાખી લઉં છું, આ વખતે મારો વારો છે.
અનુકંપાનાં બે-બે અશ્રુ આંખોમાં સાચવી લઈશું;
બાકી, સઘળો હિસાબ ચૂકતે; એમ જ સૌને કહીશું.
તો બસ, આજે છુટ્ટા પડતા પહેલા હિસાબ કરી લઈએ?
પોત-પોતાનાં હિસ્સાની જણસો વહેંચી લઈએ!!
લાગણીઓનાં ઋણાનુબંધ આજીવન રહે છે પરંતુ, ક્યારેક સાથે આગળ વધવું શક્ય ન બને અને રસ્તાઓ ફંટાતા જણાય ત્યારે,લેણ-દેણ પતાવી લેવી એ માર્ગ સરળ કરે છે.ભાવનાઓ બંધન બને એ પહેલા હિસાબ ચૂકતે કરી લેવો જોઈએ… સાચું ને?
Written by - Swati Joshi
Freelance Content Writer, Indian Author
Having dealt with loads of people literally, I have mastered the subject called LIFE! Everyday encounters and years passed in greying hair push me to write. While not writing, I do behave as a normal human being. Read More
Follow it for more short stories, Articles and Poetry.
This post first appeared on Swati's Journal - Short Stories, Motivational Articles And Poetry By Freelance Writer - Swati Joshi, please read the originial post: here
