Telugu Love Quote Images
Love, Friendship Quote Images in Telugu by Vamsi.
Quotes By
Vamsi
Telugu Love Quotes Text
Text Quotes in Telugu.
తీరాన్ని తాకి వెనక్కి వెళ్లిన కడలి కెరటాలు,
పడమర దిక్కున వాలిపోయిన సూరీడు,
మబ్బుల చాటుకి వెళ్లిన చందమామ,
తిరిగి వస్తుంటే ఎంత అందంగా ఉంటుందో కదా
హరుడి గొంతులో హలాహలం
బొట్టు జారినా జగతి నాశనం
మరుభూమి యదలో శాద్వలం
ప్రతి నీటి బొట్టుతో సాగు జీవితం
బొట్టుబొట్టునూ ఒడిసిపట్టకపోతే
హరుడైనా నరుడైనా
కాక తప్పదు బ్రతుకు దుర్బలం
------------------------------------------------------------------------------------------
విరించి రాయాలా నీ గురించి రాతలు
జ్వలించి రాలేవా విరజిమ్ముతు కాంతులు
జనించి దుందుభివై ప్రతిధ్వనించు దిగంతాలు
వీక్షించి ఊరుకునుంటే జరిగేవా యే కథలు
వారించి వదిలేస్తుంటే కడతేరవు నీ వెతలు
వధించి రా నీ నిశ్తేజపు పార్శ్వాన్ని
తెగించి రా వ్రాసేందుకు నవకావ్యాన్ని
------------------------------------------------------------------------------------------
ఏళ్ళ తరబడి ఎన్నో తట్టుకుని నిలబడ్డ ఒక మఱ్ఱిచెట్టును,
ఓరోజు ఉదయం దారుణంగా నరికి చంపేశారు.
తన భుజాలపై పుట్టి పెరిగిన పక్షులు
ఏడ్చుకుంటూ ఎగిరెళ్ళిపోయాయి
తన ఊడలపై ఆడిన ఉడుతలు
తల్లడిల్లిపోయాయి
వందేళ్ళ జీవితం ఓ గొడ్డలిపెట్టుకు నేలకొరుగుతుంటే
నోరైనా మెదపక
ఎదురైనా చెప్పక
మౌనంగా రోదిస్తూ కుప్పకూలిపోయింది.
------------------------------------------------------------------------------------------
నన్ను నేను విరచించుకోవాలనుంది
నే మునుపెన్నడు పలుకని భావాల్తో
ముందెన్నడు వాడని పదాల్లో
యే ప్రేరణలేని ధోరణిలో
అంతుచిక్కని వ్యాకరణంతో
మలుపులతో
మధురానుభూతులతో
ఉపిరి నిలిపే ఉత్కంఠతతో
శోక కావ్యమో... హాస్య గ్రంథమో
ప్రేమ గానమో... విప్లవ గేయమో
నిగూడార్ధాల నిఘంటువో
అర్ధంలేని స్వచరితమో
ఏమవుతానో...
ఎలా ముగుస్తానో...
------------------------------------------------------------------------------------------
నిముషంలో నిశీధి చేరే యుగాల ఘనత,
అణువణువు ముద్దగ తడిసిన నెత్తుటి చరిత,
పసికందుల ఊపిరి తీసే సమాజ భవిత,
రాక్షసులై రాస్తున్నారీ విద్వేషపు కవిత.
మూగవోయింది మానవతా రాగం
మనిషిని మింగింది మత విద్వేషపు రోగం
రక్తమోడుతూ మరణిస్తోంది,
తగలబడుతున్న నవ యుగం.
------------------------------------------------------------------------------------------
కటిక చీకటి పండువెన్నెలతో రమిస్తోంది.కొలను ఒడ్డున కూర్చుని చూస్తున్నాన్నేను.
కలువ పువ్వొకటి దొంగచాటుగా విచ్చుకుంటోంది.
అలికిడి లేకుండా ఈదులాడుతోంది రాజహంసల గుంపు.
గాలికి అలలుగా కదిలిన కొలను నీరు తళ తళా మెరుస్తోంది.
కుతూహలంగా చేప పిల్లలు పైకివచ్చి చూస్తున్నాయి.
ఒడ్డున వున్న రావి చెట్టుపై గువ్వల జంట గుసగుసలాడుతోంది.
తెల్లని కుందేళ్ళు పచ్చగడ్డిలో ఆడుకుంటున్నాయి.
కొలను ఒడ్డున కూర్చుని చూస్తున్నాన్నేను.
ఈ అందమైన రాత్రిలో నిన్ను కలుసుకోవాలని
ఎదురుచూస్తున్నాన్నేను.
తీరాన్ని తాకి వెనక్కి వెళ్ళిన కడలి కెరటాలు,
పడమర దిక్కున వాలిపోయిన సూర్యుడు,
మబ్బుల చాటుకి వెళ్ళిన చందమామ,
తిరిగి వస్తుంటే ఎంత అందంగా వుంటుందో కదా...!
నువ్వుకూడా అలా రావా...!!!.
అసూయలో మరిగి,
అహంతో రగిలి,
విద్వేషం దేహంగా,
హింసే మస్తిష్కంగా,
క్రోధాన్నే ఆయువు చేసి,
స్వార్ధాన్నే పోత పోసి,
కామంతో మెరుగులద్ది,
నిలువెత్తు నీచంలా నన్ను నేను మలుచుకున్నాను...
ప్రతీ నువ్వులో వున్నది ఈ నేనే...
రాధ యద సవ్వడి జోల లేక
యదురాజుకు నిదుర కరువు.
రాబందుల మూతులనిండా,రాచిలుకల నెత్తుటి మరకలు.రాలిన రంగుల రెక్కలకోసం,తిరుగుతున్నదొక కాకుల గుంపు.
నన్నిక్కడ వదిలేసి,
నగ్నంగా వెళ్ళిపోతున్నాను
సుదూరాల తీరంలో,
ఎదురుచూస్తున్న నాకోసం.
అస్థిత్వం లేని స్వగతాలు,
అరువుతెచ్చుకున్న ఆలోచనలు,
మసకబారిన మనస్తత్వాలు,
జీవంలేని దేహాలు.
ఇదే నేను. ఇదే నువ్వు.
ఆశల చుక్కాని దారిచూపెడుతుంటే,జ్ఞాపకాల అలలపై నా నావ కదులుతోంది.ఏ తీరం చేరునో...! ఏనాటికి చేరునో...!
గొంతునరాలు పగిలేంత మౌనంగా అరుస్తున్నారు,ఎవరో!వినపడనట్టుగా పరిగెత్తాను నేను.నాలోని మూర్ఖుడు,ఆ మౌనాన్ని వింటూ నిస్సహాయంగా నిల్చుండిపోయాడు
నా చిగురాశల గీతం
నడిరేయిన సైకతం...
విరబూసిన వసంతం
సుదూరాల ఏకాంతం...
ఏకాంత అనంతం,
అంతులేని స్వగతం...
పొద్దుగూకుతున్నట్టు నిద్రపోతుంటాది...
జాము గడిసినట్టు మెసులుతుంటాదీ...
కల్లు తెరచేసరికి నే కల్లముందుంటే...
పొద్దుపొడిచినట్టు సిగ్గు పడతాది...
తానొంకనే చూస్తూ నే మురిసిపోతుంటే,
చాలింక పొమ్మనీ మారాము చేస్తుంది...
కల్లోకి నేనొచ్చి ఏటేటో చేశానని,
మెల్లంగ ననుగిచ్చి గారాలు చేస్తుంది...
ఇద్దరొకటైపోయి ముద్దులాడేయేళ,
చెమ్మగిల్లిన కల్లతోనాలోకి చూస్తుంది...
Read Also
Telugu Funny SMS
This post first appeared on తెలà±à°—à± à°«à°¨à±à°¨à±€ SMS-Telugu Funny Sms, please read the originial post: here