आई मॉडर्न कल्चरक नाम पर
होइत अछि मारा-मारी
एक दोसरा सँ आगु बढ़बा लेल
फेक देलक सब साडी
पहिने बिला गेल साया-साडी
तकरा बाद दुपट्टा
तखन बिला गेल समीज-सलवार
फराक सलबार छोरलक परोपट्टा
कियो मॉडर्न देखेबाक लेल
कियो मॉडल के नाम पर
कियो एक दोसराक होड़ मे
कियो अपन बॉसक नाम पर
ककरो स्वागत कक्षक मजबुरी
कियो परोसिक तान सँ
ककरो कॉलेज में अछि जरुरी
कियो पहिरैत अछि सान सँ
बिसैर गेल अपन माय बाप के
बिसैर गेल सर-समाज
बिसैर गेल अपन भेष, भाषा
बिसैर गेल अपन पावनि-तिहार
कतय सँ आयल पछवा हाबा
पसरि गेल चारु दिश
खा गेल सभ्यता संस्कृति के
सताब्दी इक्कीस। 


रचनाकार : दयाकान्त