Hindi ako magtataka kung paborito ng mga Koreans na kunin ang mga Pinoy na mag-perform sa kanilang mga television shows sa kanilang bansa. Para kasing merong bagay na nag-uugnay sa atin. Tayo rin naman ay paborito nating panoorin ang kanilang mga soap operas. Aside from that fact, bahagi na rin ang mga Koreans sa ating lipunan dahil marami sa kanila ang nagpupunta sa ating bansa para magbakasyon, magnegosyo at mag-aral.

Dalawa na namang Pinoy na mang-aawit ang napanood kamakailan sa programang Star King kung saan nagsimulang makilala ang isa na ngayong international singer na si Charice Pempengco.

Sina Philip Cesar Nadela at Amy Nobleza, ang top 2 winners ng Pinoy Dream Academy Little Dreamers, ay pinahanga naman ang Korean audience ng show. Kinanta ni Philip ang Beat It at Ben ni Michael Jackson at Diana ni Paul Anka.

Si Amy naman ay kinanta ang Dreamgirls ng OST at And I'm Telling You I am not Going.

Sa huli ay nag-duet ang dalawa sa kanta ni Sarah Geronimo na How Could You Say You Love Me.