Related Articles
હર્ષ સંઘવી (ફાઇલ તસવીર)
મજુરાના ધારાસભ્ય હર્ષ સંઘવીએ પોતાના મિત્ર વર્તુળની મદદથી કોરોના દર્દીઓ માટે એક હૉસ્પિટલ શરૂ કરી છે. જ્યાં 182 જેટલા દર્દીઓને સારવાર મળે તેવું આયોજન કરવામાં આવ્યું છે.
હર્ષ સંઘવીનું ટ્વીટ
હર્ષ સંઘવીએ આજે સવારે ટ્વીટ કરીને લખ્યું છે કે, “આજે મેં કોવિડ 19 ટેસ્ટ કરાવ્યો હતો, જે પોઝિટિવ આવ્યો છે. હું સારવાર માટે હૉસ્પિટલમાં દાખલ થઈ રહ્યો છું. છેલ્લા કેટલાક દિવસોથી જે પણ લોકો મારા સંપર્કમાં આવ્યા છે તેઓ પોતાનો કોરોના ટેસ્ટ કરાવે તેમજ જરૂરી અન્ય કાળજી લે.”
Today I underwent Covid-19 test & it has turned out positive.
I have opted for Hospitalization.Those who have came in contact with me in last few days are advised to get tested for themselves and take required precautions.— Harsh Sanghavi (@sanghaviharsh) August 27, 2020
કોરોના હૉસ્પિટલ શરૂ કરી
ઉલ્લેખનીય છે કે મજુરાના ધારાસભ્ય હર્ષ સંઘવીએ પોતાના મિત્ર વર્તુળની મદદથી કોરોના દર્દીઓ માટે એક હૉસ્પિટલ શરૂ કરી છે. જ્યાં 182 જેટલા દર્દીઓને સારવાર મળે તેવું આયોજન કરવામાં આવ્યું છે. હૉસ્પિટલ બનાવવાનો ખર્ચ ધારાસભ્ય અને તેમના મિત્રોએ ઉઠાવ્યો છે.
બુધવારે સુરતમાં વધુ 222 કેસ નોંધાયા :
બુધવારે સુરત શહેરમાં 168 જ્યારે ગ્રામીણ વિસ્તારમાં 54 દર્દી સાથે કુલ કોરોના દર્દીની સંખ્યા 19,825 પર પહોંચી છે. બુધવારે કોરોનાથી 4 લોકોનાં મોત થયા હતા. આ સાથે જ સુરતમાં કુલ મૃત્યાંક 794 પર પહોંચ્યો છે. કુલ 19,825 કેસમાંથી શહેર વિસ્તારમાં દર્દીની સંખ્યા 15,592 અને ગ્રામ્ય વિસ્તારમાં દર્દીની સંખ્યા 4,233 છે. સુરતમાં આજ દિવસ સુધી શહેર વિસ્તારમાં 16,391 લોકો અને ગ્રામ્ય વિસ્તારમાંથી 3,400 દર્દી સાજા થયા છે.
Source link