Tashmë Rezin dhe Pranverën i sheh 24 orë në 24 bashkë, pasi për fat ata i lidh puna. Aktualisht janë pjesë e stafit të filmit më të ri të regjisorit të njohur, Fatmir Koçi, ku Rezi është protagonist në këtë produksion. Po si ndodhi që u bënë çift një aktor dhe një grimiere? Sipas burimeve tona,të dashuruarit janë takuar rastësisht në sheshxhirimin e një filmi artistik, ku u pëlqyen dhe filluan të shoqëroheshin më pas me njëri-tjetrin. Edhe Pranvera shquhet për natyrën e saj gazmore, ku Rezi gjeti veten menjëherë. Në intervistat e mëparshmë ai nuk foli me emra konkretë për këtë histori, pasi donte ta mbanta paksa jashtë vëmendjes së medias. Por ai nuk hezitoi që të deklaronte se tashmë ishte i lidhur me vajzën, që i jep kuptim dashurisë.