Ashtu siç edhe ishte lajmëruar një tjetër protestë e dhunshme është zhvilluar  ditën e djeshme në kodrat e Liqenit për të kundërshtuar ndërtimin e bashkisë për këndin e lojërave.

Këtë here tubimi organizohej nga Partia Demokratike. Deputetë e këshilltarë të djathtë ishin në krye te protestës. Se bashku me qytetare të tjerë, ata kanë çarë  kordonin e policisë, shembën  rrethimin e më pas hynë me force në zonën ku po ndërtohet parku.

Në ndihmë të policisë shkuan Forcat e Ndërhyrjes së Shpejte dhe ato të repartit Shqiponja.  Edhe këtë herë nuk kane munguar përplasjet fizike mes palave. Deputetët demokratë  denoncuan dhunën e policisë mbi protestuesit dhe se sipas tyre po mbrojnë një objekt të paligjshëm.

Gjatë përplasjes fizike pati dhe persona që humbën ndjenjat e u dërguan me ambulancë në spital. Në dy 2 orë protestë deputetët demokrate qëndruan në zonën ku është parashikuar të ngrihet këndi i lojërave.

Ndërsa përtej rrethimit dhe kordonit te dyfishte të policisë ishin qytetarët e tjerë. Këta të fundit shpesh herë kanë shembur rrethimin duke u përplasur me policinë.

Në mbyllje te protestës demokratet deklaruan se do te vijojnë tubimin kundër paligjshmërisë se Bashkisë. Më herët përmes një reagimi për shtyp  kryetari Veliaj e ka cilësuar hipokrizi sjelljen e Partisë Demokratike. Veliaj i ka kujtuar kryetarit Basha 1090 ndërtimet pa leje në parkun e liqenit si dhe po ashtu vendimin politik për prishjen e mbikalimit te Zogut te Zi.

Ndërkohë protesta e demokrateve u mbyll rreth orës 13:00 të mesditës. Mes tyre pati dhe te lënduar, si kreu i grupit te PD ne këshillin bashkiak, i cili u shoqërua ne ambulance.

Por  dhe të moshuar që për asnjë moment protesta dhe zhvillimet e saj, nuk arritën t’ua prishin  lojën e dominosë.

Larg Florencit, se të rreh

“Dita” e ndoqi nga afër protestën dhe fotoreporteri ynë në përfundim të saj, teksa po mundohen të fotografonte çaste nga shpërndarja, u kërcënua nga Florenc Hoxha, ish drejtues i Inspektoratit Ndërtimor të Bashkisë së Tiranës.

Hoxha, u drejtua me fjalët: largohu që andej se ta marr aparatin ta fus në grykë.

Ndërsa qëndronte nën shoqërinë e Albana Vokshit dhe disa djemve të tjerë që, flisnin me të njëjtën vrazhdësi si edhe “miku” i tyre, ai vazhdonte të drejtohej me fjalë fyese, edhe pse askush nuk po e shqetësonte.

Pa pushtet edhe fletë në këtë gjuhë, imagjinoni të ishte ai në krye të policisë bashkiake, çfarë mund t’i ndodhte protestuesve! Larg Florencit, se të rreh!