I planifikuar të prezantohet më 21 shkurt, ne tashmë dimë shumë informata rreth telefonave të ardhshëm të gjigandit Samsung, i cili ka qenë pjesë e thashethemeve të panumërta së fundmi duke shpalosur shumë detaje.

Megjithatë, deri tani nuk ka pasur informata se çfarë çmimi do të kenë këta telefona të mençur.

Sidoqoftë, duket që thashethemet e reja kanë sjellur informata edhe për këtë detaj mjaftë të rëndësishëm.

Bazuar në thashethemet e reja, Galaxy S7 do kushtojë 700 euro, ndërsa S7 Edge kushton 800 euro.

Është thënë që ky çmim i përket modelit me procesor Exynos, pasi ashtu edhe siç dihet paraprakisht, telefonat e ardhshëm do të jenë në dispozicion në dy procesora të ndryshëm, Snapdragon 820 dhe Exynos 8890 SoC.