శ్రీభగలాముఖీ హృదయం
అథ హృదయం
ఓం అస్య శ్రీభగలాముఖీహృదయస్య నారద ఋషిః
అనుష్టుప్ ఛందః, శ్రీభగలాముఖీ దేవతా, హ్లీం బీజం, క్లీం శక్తిః, ఐం కీలకం, శ్రీభగలాముఖీ ప్రసాద సిద్ధ్యర్థే శ్రీభగలాముఖీ హృదయం జపే వినియోగః
Related Articles
ఋష్యాదిన్యాసః
ఓం నారదఋషయే నమః శిరసి
ఓం అనుష్టుప్ ఛందసే నమః ముఖే
ఓం శ్రీబగలాముఖీ దేవతాయై నమః హృదయే
ఓం హ్లీం బీజాయ నమః గుహ్యే
ఓం క్లీం శక్తయేనమః పాదయోః
ఓం ఐం కీలకాయ నమః సర్వాంగే
ఇతి ఋష్యాదిన్యాసః
అథ కరన్యాసః
ఓం హ్లీం అంగుష్ఠాభ్యాం నమః
ఓం క్లీం తర్జనీభ్యాం నమః
ఓం ఐం మధ్యమాభ్యాం నమః
ఓం హ్లీం అనామికాభ్యాం నమః
ఓం క్లీం కనిష్ఠికాభ్యాం నమః
ఓం ఐం కరతలకరపృష్ఠాభ్యాం నమః
ఇతి కరన్యాసః
అథ హృదయాదిషడంగన్యాసః
ఓం హ్లీం హృదయాయ నమః
ఓం క్లీం శిరసే స్వాహా
ఓం ఐం శిఖాయై వషట్
ఓం హ్లీం కవచాయ హుం
ఓం క్లీం నేత్రత్రయాయ వౌషట్
ఓం ఐం అస్త్రాయ ఫట్
ఇతి హృదయాదిషడంగన్యాసః
ఓం హ్లీం క్లీం ఐం ఇతి దిగ్బంధః
పీతాంబరాం పీతమాల్యాం పీతాభరణభూషితాం
పీతకంజపదద్వంద్వాం బగలాం చింతయేఽనిశం
ఇతి ధ్యాత్వా సంపూజ్య
పీతశంఖగదాహస్తే పీతచందనచర్చితే
బగలే మే వరం దేహి శత్రుసంఘవిదారిణీ
ఇతి సంప్రార్త్థ్య
ఓం హ్లీం క్లీం ఐం భగలాముఖ్యై గదాధారిణ్యై ప్రేతాసనాధ్యాసిన్యై స్వాహా
ఇతి మంత్రం జపిత్వా పునః పూర్వవద్ధృదయాది షడంగన్యాసంకృత్వా
స్తోత్రంపఠేత్
బందేఽహం బగలాం దేవీం పీతభూషణభూషితాం
తేజోరూపమయీం దేవీం పీతతేజస్స్వరూపిణీం (1)
గదాభ్రమణాభిన్నాభ్రాం భ్రుకుటీభీషణాననాం
భీషయంతీం భీమశత్రూన్ భజే భక్తస్య భవ్యదాం (2)
పూర్ణచంద్రసమానాస్యాం పీతగంధానులేపనాం
పీతాంబరపరీధానాం పవిత్రామాశ్రయామ్యహం (3)
పాలయంతీమనుపలం ప్రసమీక్ష్యావనీతలే
పీతాచారరతాం భక్తాం స్తాంభవానీం భజామ్యహం (4)
పీతపద్మపదద్వంద్వాం చంపకారణ్యరూపిణీం
పీతావతంసాం పరమాం వందే పద్మజవందితాం (5)
లసచ్చారుసింజత్సుమంజీరపాదాం చలత్స్వర్ణకర్ణావతంసాంచితాస్యాం
వలత్పీతచంద్రాననాం చంద్రవంద్యాం భజే పద్మజాదీడ్యసత్పాదపద్మాం (6)
సుపీతాభయామాలయా పూతమంత్రం పరం తే జపంతో జయం సల్లభంతే
రణే రాగరోషాప్లుతానాం రిపూణాం వివాదే బలాద్వైరకృద్ధాతమాతః (7)
భరత్పీతభాస్వత్ప్రభాహస్కరాభాం గదాగంజితామిత్రగర్వాం గరిష్ఠాం
గరీయో గుణాగారగాత్రాం గుణాఢ్యాం గణేశాదిగమ్యాం శ్రయే నిర్గుణాఢ్యాం (8)
జనా యే జపంత్యుగ్రబీజం జగత్సు పరం ప్రత్యహం తే స్మరంతః స్వరూపం
భవేద్వాదినాం వాఙ్ముఖస్తంభ ఆద్యే జయో జాయతే జల్పతామాశు తేషాం (9)
తవ ధ్యాననిష్ఠా ప్రతిష్ఠాత్మప్రజ్ఞావతాం పాదపద్మార్చనే ప్రేమయుక్తాః
ప్రసన్నా నృపాః ప్రాకృతాః పండితా వా పురాణాదికా దాసతుల్యా భవంతి (10)
నమామస్తే మాతః కనకకమనీయాంఘ్రిజలజం
బలద్విద్యుద్వర్ణాం ఘనతిమిరవిధ్వంసకరణం
భవాబ్ధౌ మగ్నాత్మోత్తరణకరణం సర్వశరణం
ప్రపన్నానాం మాతర్జగతి బగలే దుఃఖదమనం (11)
జ్వలజ్జ్యోత్స్నారత్నాకరమణివిషక్తాంకభవనం
స్మరామస్తే ధామ స్మరహరహరీంద్రేందుప్రముఖైః
అహోరాత్రం ప్రాతః ప్రణయనవనీయం సువిశదం
పరం పీతాకారం పరిచితమణిద్వీపవసనం (12)
వదామస్తే మాతః శ్రుతిసుఖకరం నామ లలితం
లసన్మాత్రావర్ణం జగతి బగలేతి ప్రచరితం
చలంతస్తిష్ఠంతో వయముపవిశంతోఽపి శయనే
భజామో యచ్ఛ్రేయో దివి దురవలభ్యం దివిషదాం (13)
పదార్చాయాం ప్రీతిః ప్రతిదినమపూర్వా ప్రభవతు
యథా తే ప్రాసన్న్యం ప్రతిపలమపేక్ష్యం ప్రణమతాం
అనల్పం తన్మాతర్భవతి భృతభక్త్యా భవతు నో
దిశాతః సద్భక్తిం భువి భగవతాం భూరి భవదాం (14)
మమ సకలరిపూణాం వాఙ్ముఖే స్తంభయాశు
భగవతి రిపుజిహ్వాం కీలయ ప్రస్థతుల్యాం
వ్యవసితఖలబుద్ధిం నాశయాశు ప్రగల్భాం
మమ కురు బహుకార్యం సత్కృపేఽమ్బ ప్రసీద (15)
వ్రజతు మమ రిపూణాం సద్మని ప్రేతసంస్థా
కరధృతగదయా తాన్ ఘాతయిత్వాశు రోషాత్
సధనవసనధాన్యం సద్మ తేషాం ప్రదహ్య
పునరపి బగలా స్వస్థానమాయాతు శీఘ్రం (16)
కరధృతరిపు జిహ్వాపీడన వ్యగ్రహస్తాం
పునరపి గదయా తాంస్తాడయంతీం సుతంత్రాం
ప్రణతసురగణానాం పాలికాం పీతవస్త్రాం
బహుబలబగలాంతాం పీతవస్త్రాం నమామః (17)
హృదయవచనకాయైః కుర్వతాం భక్తిపుంజం
ప్రకటిత కరుణార్ద్రాం ప్రీణతీజల్పతీతి
ధనమథ బహుధాన్యం పుత్రపౌత్రాదివృద్ధిః
సకలమపి కిమేభ్యో దేయమేవం త్వవశ్యం (18)
తవ చరణసరోజం సర్వదా సేవ్యమానం
ద్రుహిణహరిహరాద్యైర్దేవవృందైః శరణ్యం
మృదులమపి శరణం తే శర్మదం సూరిసేవ్యం
వయమిహ కరవామో మాతరేతద్ విధేయం (19)
బగలాహృదయస్తోత్రమిదం భక్తిసమన్వితః
పఠేద్ యో బగలా తస్య ప్రసన్నా పాఠతో భవేత్ (20)
పీతాధ్యానపరో భక్తో యః శృణోత్యవికల్పతః
నిష్కల్మషో భవేన్మర్త్త్యో మృతో మోక్షమవాప్నుయాత్ (21)
ఆశ్వినస్య సితే పక్షే మహాష్టమ్యాం దివానిశం
యస్త్విదం పఠతే ప్రేమ్ణా బగలాప్రీతిమేతి సః (22)
దేవ్యాలయే పఠన్ మర్త్త్యో బగలాం ధ్యాయతీశ్వరీం
పీతవస్త్రావృతో యస్తు తస్య నశ్యంతి శత్రవః (23)
పీతాచారరతో నిత్యం పీతభూషాం విచింతయన్
బగలాయాః పఠేన్నిత్యం హృదయస్తోత్రముత్తమం (24)
న కించిద్ దుర్ల్లభం తస్య దృశ్యతే జగతీతలే
శత్రవో గ్లానిమాయాంతి తస్య దర్శనమాత్రతః (25)
ఇతి సిద్ధేశ్వరతంత్రే ఉత్తరఖండే భగలాపటలే
శ్రీభగలాహృదయస్తోత్రం సమాప్తం
Posted by NANI
