Mojooda dor mein zinda rehne ke liye paiso ki har fard ko zaroorat parti ha lekin agar koi samajhta hai ke us ke paas paiso ki kami hai to Surah Muzammil ka har Fajar ki Namaz ke baad wird kare, Allah ne chaha to Insha Allah paiso ke band darwazay khud hi khol dega.

Financial problem ke liye Surah Muzammil Namaz e Fajar ke baad 41 times parhne se tangdasti door ho jaye gi. Dukh dard se nijat ke liye 31 martaba parhein. Agar kisi museebat mein mubtala ho to 101 bar parhe. Larke ya larki ka rishta darkar ho to 3 tasbeeh is Surah Pak ki parhein.

Agar kisi ki biwi nafarman ho to us ke liye 7 bar parh kar kisi cheez Par Dam Kar ke use khila dein. Body dard karta ho aur kaam kaaj mein ji na lagta ho to 7 bar parh kr khud par dam kare. Bacha na farman ho to 3 bar kisi cheez par dam kar ke khila dein.

Amraze Chasham Ka Ilaj:
Agar koi amraze chasham mein mubtala ho aur us ki beenai kamzor ho rahi ho, aankho ke aagay andhera cha jata ho to aesi soorat mein 41 times ye Surah prh kar pani par dam kr ke aankhon par lagay jo pani bach jaye us ko yaqeen aqeedat ke sath pee lein to Haq Ta'la ne chaha to 7 dino ke andar hi Rab Ta'la apnay fazal o karam ki badolat apnay Ism Mubarak ki barkat se shifa ata farmaye ga. Aankhon ki jumla takaleef door farma kar us ki beenai mein izafa farma dega. Is amal ko mamool bana lene se kabhi bhi beenai mein kami waqae nahi hoti aur amraz e chasham se bacha rehta hai.
Is Surah mubarak ko bakasrat ba wuzu halat mein parhne wala mustajab ud dawat ho jata hai. Rab Ta'la us ki har jaiz murad ko qabooliyat ka sharf bakhshta ha or use apnay khusoosi inamat se nawazta hai.