Pasi fitoi gjyqin për shpifje kundër Amber Heard, Johnny Depp duket se po planifikon rikthimin e tij në industrinë e argëtimit.

Së fundmi aktori i është bashkuar platformës TikTok ndërsa vazhdon turneun me muzikantin Jeff Beck. Fansat vunë re brenda pak minutash se Depp, iu bashkua aplikacionit me një profil të verifikuar. e tij Biografia lexon “thespian i rastësishëm” dhe ai deri më tani ka grumbulluar 3.3 milion ndjekës.

Një burim i afërt me Depp tha për The Post se ylli i filmit me siguri dëshiron të kthehet në ekran dhe shpreson se karriera e tij e aktrimit do të ringjallet në të ardhmen. Për momentin, burimi tha se Depp është duke u fokusuar tek vetja dhe muzika e tij dhe po kënaqet me fitoren në gjyqin kundër ish-bashkëshortes Amber Heard.

Depp ka qëndruar në Mbretërinë e Bashkuar për t’u bashkuar me mikun dhe bashkëpunëtorin muzikant Beck në turneun e tij. Ai është shfaqur në skenë  në disa nga shfaqjet e kitaristit, duke përfshirë një në Royal Albert Hall të Londrës në fund të muajit të kaluar.

Hashtag-u #JohnnyDepp ka 33.5 miliardë shikime në platformën TikTok, më shumë se katërfishi i popullsisë së përgjithshme globale. #JusticeforJohnnyDepp ka 20.2 miliardë shikime. Një hashtag qesharak i përdorur për të tallur Heardin, #AmberTurd, ka 4.3 miliardë shikime, ndërsa #JusticeforAmberHeard ka vetëm 85.9 milionë shikime.