Pas një atentati me armë zjarri mëngjesin e sotëm, mbeti i pajetë Nazmi Bandulla. Shtetasi në fjalë është emër i njohur për policinë pasi mbrëmjen e datës 23.08.2012 u arrestua ndërsa tentoi të vrasë vëllain e tij pas një konflikti pronësie.

Pasi vuajti dënimin, në vitin 2020, bandullës iu hodh makina në erë me tritol. Shpërthimi nuk solli të plagosur apo viktima, ndërsa u regjistruan vetëm dëme materiale në mjetin tip fouristradë X5, si dhe banesën e Nazmi Bandullës.

Kujtojmë se ngjarja e para dy viteve mbeti e pazbardhur sepse nuk kishte kamera rreth shtëpisë. Ndërkohë personi në foto është viktima e sotme i cili u vra me armë zjarri nga një Benz i bardhë me xham të zinj e cila ishte në lëvizje. I ndjeri Bandulla ka qenë duke konsumuar kafen e mëngjesit, e fundit për të në momentin që tre plumba i kanë rënë në trup dhe i kanë marrë jetën.