Flutura Açka ka spikatur këtë javë në Parlament. Deputetja e Partisë Demokratike ka ardhur me një stil disi më “bohemian”, duke u paraqitur me një kapele ngjyrë blu.

Shkrimtarja duket se ruan stilin e saj të veshjes, ndonëse tashmë është edhe deputete. Por krahas “look”-ut të Fluturës, ajo që na ra në sy ishte fakti se ajo po ndihmohej për të ecur nga një bastun.

Nuk dihet nëse Flutura ka pasur një problem shëndetësor, apo një aksident që e ka detyruar të mbajë një bastun në seancën plenare.

Por, ajo që shihet lehtësisht është se deputetja ka qenë në vështirësi, sidomos në pjesën e shkallëve. Megjithatë, edhe pse në kushte të vështira shëndetësore, deputetja e selisë blu ka zgjedhur mos të mungojë në seancë.