meraa kuchh Saamaan Tumhaare Paas Padaa hai
o o o saavan ke kuchh bhiige bhiige din rakhe hai
aur mere ek khat me lipatii raat padii hai
vo raat bhulaa do, meraa vo saamaan lautaa do
meraa kuchh saamaan tumhaare paas padaa hai
patajhad hai kuchh hai naa?
patajhad men kuchh patto ke girane kii aahat
kaano me ek baar pahan ke lautaai thii
patajhad kii vo shaakh abhii tak kaanp rahii hai
vo shaakh giraa do,
meraa vo saamaan lautaa do
ek akelii chhatarii me jab aadhe aadhe bhiig rahe the
aadhe suukhe aadhe giile, sukhaa to main le aayii thii
giilaa man shaayad bistar ke paas padaa ho !
vo bhijavaa do, meraa vo saamaan lautaa do
ek sau solaa chaand ki raate
ek tumhaare kaandhe kaa til
giilii menhdii ki khushbuu,
jhuth muuth ke shikave kuchh
jhuuth muuth ke vaade bhi sab yaad karaa duu
sab bhijavaa do, meraa vo saamaan lautaa do
ek ijaazat de do bas, jab isko dafanaauungii
main bhii vahiin so jaauungii
main bhii vahiin so jaauungii