वरती-खाली श्वासांच्या लाटांचा - दर्या मी ! इथल्या आल्यागेल्याच्या भासांचा - दर्या मी ! नुरले वाऱ्यांच्या वेडांचे माझे - किनारे .. हसणाऱ्या डोळ्यांमागे पाण्याचा - दर्या मी ! विझलेल्या ताऱ्यांची गाणी गावी दिशांनी बुडतानाही गाणाऱ्या सूर्यांचा - दर्या मी ! गगनाच्या आर्ताचे कोडे ठावे कुणाला ? गगनाखाली आईना काळाचा - दर्या मी ! भरती ओहोटी माझी, ना साधी कहाणी जगण्याच्या संमोही आवेगांचा - दर्या