Para naman masabi ko na lumabas Ako Nung pasko at naki party sa sangkatauhan,

Sumama ako pabalik ng Durat Al Arous para gumimik.

Kahit pagod ako nung araw na yon kasi kelangan ko pang pumasok sa trabaho ng umaga as usual.. ok na rin kasi pagkakataon ko na ring makalanghap ng ibang hangin bukod sa nakagawian kong oxygen,nebulizer,at steam inhalation..

Naki hitch ako ng ride papunta ng resort at habang binabaybay namin ang kahabaan ng Madinah, inaliw kami ni kuya Rudy gamit ang kanyang ultra boombastic na sound system sa saliw ng tugtuging pinamagatang "one way ticket"!! O ha san ka pa!.

Maganda ang resort na pinuntahan namin.Palakasan din ng sounds ang kapwa villa na magkasunod sunod. Mostly pinoy ang occupants ng buong resort bukod sa isang pamilyang Aprikano na may pinakamalakas na sound system sa lahat. At ang ganda ng sounds nila ha... pang production number sa Master Showman ang dating..sabi ng isa kong friend pang ati atihan daw! Pwede!!

Kanya kanyang gimik din ang naabutan namin. Merong sumasayaw, nag vi-videoke, may umiiyak sa kitchen habang kausap ang anak, may nagyoyosi sa terrace habang naka titig sa kawalan... errrrr...

ako?? naki yosi na rin lang..


Syempre may parlor games.
at syempre may picture frame na premyo,
ayun at pakalat kalat yung mga picture frames!!
kawawa naman at inabandona.


Ang kagandahan dito sa Saudi minsan lang umulan kaya nagkalat ang naglalakihang sofa sa terrace.So imbes na sa kawarto mag recharge mas pinili kong mahiga sa sofa habang naka titig sa kalangitan...Parang si ET lang na nagsasabing...ET Phone home....

Habang abala ang diwa ko kalalakbay kasama ang buwan at mga stars.. abala din ang mga kasama ko sa walang katapusang kwentuhan tungkol sa buhay buhay at ginisa flavor mix.

Sinubukan kong bilangin ang mga tala pero syempre nakatulog na ako bago pa man ako matapos.. at pag gising ko ito na ang nakita ko..








wow naman at malapit pala kami sa beach..


Pero teka bat parang di pa rin natigil ang ilan sa kaka ngawa??
Tara nga at silipin natin ang kaguluhang ito...


Dais bago mo pa ako ipa salvage, post ko na muna tong bidyo mo!LOL
Idi delete ko na talaga to kaso ang cute kasi kaya.. ano... yaan mo na!

Maraming salamat pala Remus sa lahat ng masasaya at malulungkot na araw na pinagsamahan natin sa unit. Mami miss ka naming lahat at Good Luck sa yo bro!..