Sharon Cuneta addresses unfollow issue between KC Concepcion and Kiko Pangilinan
Sa unang pagkakataon ay nagsalita na si Sharon Cuneta tungkol sa napapabalitang isyu sa kanila ng anak na si KC Concepcion.
Si KC ang panganay na anak ni Sharon sa dating asawang si Gabby Concepcion.
Sa press conference ng Dear Heart concert nila ni Gabby ngayong araw, September 15, sa Crystal Ballroom ng Okada Manila, nagpahayag si Sharon ng kanyang pagmamahal para kay KC.
Panimula ni KC, “First of all, sa Bible, nakalagay dapat na una ang asawa pero even my husband knows that naturally, all my four children know that I’m a mother first.
“I’m a mother first kasi based on experience, ang asawa, pwedeng mawala pero ang dugo at laman mo, bumaliktad man ang mundo, dugo at laman mo.”
View this post on Instagram
Bukod kay KC, may tatlo pang anak si Sharon: si Frankie at Miel sa asawa nitong si former senator Kiko Pangilinan, at ang kanilang adopted son na si Miguel.
Diin ni Sharon, wala raw siyang paborito sa mga anak Niya kahit akala ng iba ay si Frankie ang kanyang mas pinapaboran.
“I don’t play favorites. Some people think that ang favorite na anak ko, si Frankie. Hindi. I love all my children equally.
“It’s just that, doon lang tayo sa totoo, kung sino siyempre yung lagi mong kasama, lagi mong katabi, meron ka lang mas nakakasundo, and among all my children, ang kaugali ko, si Frankie. Miel is my buddy. Miguel, he’s such a gentleman.
“Ang hindi ko nakikita, si KC. So, I would just say this. When she mentions na she’s alone, I would feel bad because it was her choice.”
Ang tinutukoy ni Sharon ay nang magdesisyon si KC na pumunta ng Paris para mag-aral.
Pagpapatuloy ni Sharon, “When she left home at 18 kasi, she went to school. Siyempre, parang kano yung ano niya, e, hindi Filipino yung thinking. Hindi nga bagay yung anak ko dito dahil mukhang European, e!
“Pero since she was 18, pinakita niya pa sa akin yung bibilhin niyang condo, kami ni Kiko, and hindi ko siya mapigilan because I also wanted her to fly, to learn to live on her own.
“From the time I raised her when Gabby and I separated, she was 2 and a half until she was 18, ang katulong ko lang magpalaki diyan, mommy ko o daddy ko pero never akong humingi ng kahit piso sa magulang ko kasi I wanted to set an example na ang babae, hindi mo kailangan ng lalaki para mabuhay.
“You have to work through your own savings para meron kang pagkukunan in case hindi ka makapag-asawa or in case, sa kasaiwang palad, maging fate din niya yung nangyari sa amin ni Gabby.
“So, medyo being alone was her choice. Our house, our home has always included her.”
View this post on Instagram
KC unfollows Kiko, Frankie
Isa sa mga balitang lumabas sa gitna ng napapabalitang hindi pagkakasundo ng mag-ina ay ang pag-unfollow ni KC kay Kiko at Frankie.
Ayon kay KC noon, para raw iyon sa kanyang “peace of mind.”
Bago i-address ang unfollow issue, binalikan muna ni Sharon ang panahong close sila Kiko at KC.
Saad ni Sharon, “Kiko raised her since she was 9 years old and they were very close, shock absorber niya yan, takbuhan niya yan, yan ang kanyang sounding board.
“Kahit minsan, may tampuhan kami, si Kiko ang kausap niya.”
Kay Sharon na rin mismo nanggaling ang gusto niyang sabihin tungkol sa pag-unfollow ni KC kay Kiko at Frankie.
“Yung pag-u-unfollow, alam ko you’re all curious about that, ito na lang sasabihin ko. Like what I said in my post, uulitin ko na lang, di ba, sabi niya hindi naman talaga kami perfect? Wala naman, e.”
Ang tinutukoy ni Sharon dito ay ang comment ni KC nang i-promote ni Sharon ang “Asian Persuasion” sa Instagram at sumagot si KC.
“If I didn’t have my parents and my brother and my best friends and people like Ate Baby [Gil] in my life and Mama Mina [Aragon], all those people that sincerely cared about me when I was growing up, especially in the business, I probably turned out to be a very horrible, arrogant person.
“Kasi impressionable ang bata, akala mo yung fame, pinakamagaling ka na sa lahat. So siguro, nagkaroon lang ng kaunting let’s just say…”
Imbes na ituloy ang sasabihin, sinabi ni Sharon na mas kalapit ng ugali ni KC ang daddy nitong si Gabby.
“Okay, first of all, among my children, KC is the one that is the most—let’s just say she’s the opposite of me, ang lakas ng dugo ng papa niya kaya sila magkasundo.
“They’re the same. For better or for worse, they’re the same.
“Sometimes, kapag pinapaalalahanan ang isang tao ng amahin, anak, kapatid, mommy, merong mga tao na ayaw nila ng…”
Nag-alangan si Sharon na ituloy ang sasabihin at saka sinabing “I have to be careful.”
Pagpapatuloy niya, “Ganun lang, pagtatampuhan. So, ganun lang yun.
“It hurt me siyempre, na may unfollow-unfollow. Pero pamilya kami, this is a family matter.”
KC’s closeness to Gabby
Dagdag ni Sharon, masaya siyang close ngayon sina KC at Gabby dahil matagal silang hindi nagkasama.
“She’s close to her papa now and that makes me happy because they lost so many years together.
“But I want to remind the whole world, all of you that since Gabby and I separated that there was never, not once, never a time na hindi niya pwedeng puntahan yung anak niya. I never prevented them from seeing each other.
“In fact, yung nakailang presscons na sa akin, over the decades, I would always say I wanted them to have a relationship, ayokong isipin na kalahati niya masama.”
View this post on Instagram
Pero muling inulit ni Sharon kung gaano niya kamahal ang kanyang panganay na anak.
Sabi ni Sharon, “So, marami na akong natiis, marami akong pwede nagawa noon pero hindi ko ginawa because of KC. Lahat ng desisyon ko sa buhay noong araw, because of KC. Because of KC.
“She was my whole world. I’m happy they’re together now but I hope no one forgets, least of all KC, all the sacrifices I made when I was raising her because it wasn’t easy.
“I had her at 19 and I was practically still finding my way in the world as a new adult. And I had to raise her and I made my work a therapy that’s why I became a workaholic so I have to trust in the way that I raised my daughter.”
Sabi pa ni Sharon, handa raw siyang mamatay hindi lang para kay KC kung hindi para sa lahat ng kanyang anak.
“Since I’m a mother first, I love KC very very much I would die for her, for Frankie, for Miel, and Miguel. Silang apat lang ang papayag akong mamatay kaysa sa kanila.
“Remember when she was born? Sabi ko, paglaki ni KC, pag dumating ang panahon na nakalaan sa kanya na problema, sana sa akin na lang ibigay. Kasi alam ko na yung strengths ko, yung capacity ko, kakayanin ko and hindi ko alam kung kakayanin niya yan.
“So, ayoko masaktan yung anak ko but I’m happy they’re close but I love her very very much from the bottom of my heart.”
Addressing the bashers
Nagsalita rin si Sharon tungkol sa mga bashers na nagkokomento tungkol sa isyu nilang mag-ina.
Natawang pahayag ni Sharon, “Yung mga namba-bash sa amin na yun bang mga siguro,n gusto maging nanay ni KC or yung mga troll lang na walang magawa o fans na hindi nakakaintindi, huwag kayo magdunung-dunungan.
“Kasi hindi kami yung pamilyang… ang showbiz, trabaho namin pero hindi kami showbiz na pamilya. Pag-uwi, we’re very decent and private and some things have to say within the family.
“So, you can’t expect me na siraan ko ang anak ko, I will never do that and lahat ng tao, nagkakamali.
“As long as an apology is sincere and you take accountability for it, whatever it is—this is for all my children, I will always forgive and I will always embrace you with open arms.”
Nitong nakaraan naman na raw ay nagkausap na ni Sharon ang anak bago lumipad si KC patungong New York para sa premiere ng pelikulang “Asian Persuasion.”
“Nagpaalam kasi siya, ‘Mama, I am leaving for New York tonight.’ Kasi there was a time, nakikita ko na lang siya nasa Instagram niya, e.
“So, nagkaroon ng times na hindi siya nagko-communicate kasi siguro, ganun talaga kapag bata, may buhay kang sarili, minsan nalilimot mo.
“Nami-miss ko yun, siyempre and I will always remember when I talk to her and I have prayed that she remembers everything she learned for me and my mom. Laking lola rin siya, kailangang i-honor niya dahil nagpalaki sa akin, lola rin niya.
“So, hindi pwedeng iba kami kasi pare-pareho ang palaki ko sa mga anak ko.”
Sa huli, sinabi ni Sharon na hangga’t nabubuhay siya ay magpapaka-ina siya kay KC.
“I wanna apologize to Kiko and the Pangilinan clan kasi nadawit dahil dun sa pagka-public noong pag-unfollow. It’s really just a small thing that got a bit out of hand and it’s a family matter.
“So, whatever it is, I will always support my daughter, I will always love her and I will always be her mom and tell her what she’s doing right and tell her what she’s doing wrong until I’m 80 and she’s alive.”
Banner Art Paulo Correa
The post Sharon Cuneta Breaks Silence On Issue About Daughter KC Concepcion appeared first on FreebieMNL.
