ਟ੍ਰਾੰਸਪੋਰਟ ਮੰਤਰੀ ਰਾਜਾ ਵੜਿੰਗ ਨੇ ਮੌਕੇ 'ਤੇ ਮੀਡੀਆ ਕਰਮੀਆਂ ਨਾਲ ਗੱਲਬਾਤ ਕਰਦਿਆਂ ਸਭ ਹਲਕਾ ਵਾਸੀਆਂ ਦਾ ਇਸ ਮੌਕੇ ਤੇ ਪਹੁੰਚਣ ਲਈ ਦਿੱਲੋ ਧੰਨਵਾਦ ਕੀਤਾ ਅਤੇ ਕਿਹਾ  ਉਹਨਾਂ ਨੇ ਪਿਛਲੇ ਪੰਜ ਸਾਲਾਂ 'ਚ ਹਲਕੇ 'ਚ ਉਹ ਵਿਕਾਸ ਕੀਤਾ ਹੈ ਜੋ ਪਿਛਲੇ ਕਈ ਦਹਾਕਿਆਂ ਤੋਂ ਨਹੀਂ ਹੋਇਆ। ਉਹਨਾਂ ਨੇ ਅੱਗੇ ਕਿਹਾ ਕਿ ਵਿਕਾਸ ਦੀ ਲੜੀ ਨੂੰ ਇਸੇ ਤਰ੍ਹਾਂ ਕਾਇਮ ਰੱਖਿਆ ਜਾਵੇਗਾ ਅਤੇ ਗਿੱਦੜਬਾਹਾ ਹਲਕੇ ਨੂੰ ਵਿਕਾਸ ਦੇ ਪੱਖਿਓ ਪੂਰੇ ਪੰਜਾਬ 'ਚ ਸਭ ਤੋਂ ਉੱਪਰ ਲੈ ਕੇ ਜਾਵਾਂਗੇ। ਉਹਨਾਂ ਨੇ ਵਿਪੱਖੀ ਪਾਰਟੀਆਂ ਤੇ ਵੀ ਤੰਜ ਕੱਸਦੇ ਹੋਏ ਕਿਹਾ ਕਿ ਪੰਜਾਬੀ ਸਮਝਦਾਰ ਹਨ, ਵੋਟਾਂ ਲੈਣ ਲਈ ਜੋ ਜੁਮਲੇ ਜਾਂ ਝੂਠੇ ਦਾਅਵਿਆਂ ਦੀ ਲਿਸਟ ਅਕਾਲੀ ਦਲ ਤੇ ਆਪ ਵੱਲੋ ਜਾਰੀ ਕੀਤੀ ਗਈ ਹੈ ਉਸਦਾ ਸਾਡੇ ਪੰਜਾਬੀ ਵੋਟਰ ਤੇ ਕੋਈ ਫਰਕ ਨੀ ਪੈਂਦਾ। ਹੁਣ ਵੋਟ ਤਰੱਕੀ ਨੂੰ ਪੈਂਦੀ ਹੈ, ਕੰਮ ਨੂੰ ਪੈਂਦੀ ਹੈ। ਜੋ ਪੰਜਾਬ ਦੀ ਕਾਂਗਰਸ ਸਰਕਾਰ ਨੇ ਕਰ ਕੇ ਵਿਖਾਇਆ ਹੈ।