Kalluumeysatada ka jillaabta Xeebta Degmada Xaafuun ee Gobolka Bari ayaa ka cabanaya doonyo kalluumeysi sharci-darro ah oo wax ku buufinaya badda si kalluunka badan uga soo baxo.
Qaar kamid ah Kalluumeysatada ayaa warbaahinta u sheegay in xeebta degmada Xaafuun ay buux dhaafiyeen doonyo kalluumeysi oo sharci-darro ah islamarkaana wax ku buufinaya badda.
Related Articles
Waxay sheegeen in doonyahaas ay saaran yihiin qalab lagu buufinayo badda kaas oo kalluun badan oo wada sirirsan (suuxsan) ka soo saaraya gudaha badda kadibna ay si fudud doonyaha ugu rarayaan.
Cabashooyinka la xiriira Kalluumeysiga sharci-darrada ah ayaa mudda dheer ka taagan xeebaha Puntland gaar ahaanna Gobolada Bari iyo Gardafuu iyadoo aysan jirin weli cid wax ka qabatay
