Guddoomiyaha Gobolka Banaadir ahna Duqa Caasimadda Muqdisho Mudane Cumar Maxamuud Maxamed (Cumar filish) iyo wasiir ku xigeenka amniga dawlada fedraalka mudane C/naasir Siciid Muuse oo galabta ka qeyb galay Munaasabdda ay xilka kula Wareegeysay Gudoomiyaha Cusub ee Degmada Cabdicasiis Marwo Rowdo Cabdi Cali.
Waxaa xilkaan wareejiyay Mahdi Ali Faarax oo ahaa Guddoomiyihii Degmadan ee xil ka qaadista lagu sameeyay.
Guddoomiyaha cusub ee Degmadan ayaa balan qaaday si wanaagsan inay ugu shaqeyn doonto Bulshada, islamarkaana masuuliyad wanaagsan ay muujin doonto.
Duqa Muqdisho ayaa maalmahan wuxuu wadaa isbedelo kala duwan oo uu ku sameynaayo Guddoomiyeyaasha Degmooyinka Gobolka Banaadir.
