Hay’adda Waddaniga ah ee Taddamun Social Society-TASS ayaa waxbarasho lacag la’aan ah ugu deeqday ardaygii kaalinta kowaad ka galay fasallada 8-aad ee dugsiyada dhexe ee Puntland.
Hay’adda ayaa galabta shaacisay in ay Waxbarashada afarta fasal ee dugsiga Sare ah ugu deeqday Shucayb Xasan Cali oo kaalinta kowaad ka galay Imtixaanka 8-aadka Puntland kana socday dugsiga Girible-Boosaaso oo ku yaalla magaalada Boosaaso ee xarunta gobolka Bari.
Guddomiyaha hay’adda Taddamun Cabdiraxmaan Cabdirisaaq Cabdiraxmaan oo shaaciyay deeqda waxbarasho ee uu helay Shucayb ayaa sheegay in ay sharaf u tahay hay’addiisa ayna ku faraxsanyihiin in ay dhiirr-gelin u sameeyaan ardaygan dadaalka sameeyey si qiimaha waxbarshada kor loogu qaado ardayda kalena uga ga daydaan.
Shucayb oo dhigta iskuul carruurta qoysaska danyarta ah iyo Barakacaayasha ee lagu magacaabo Girible-Boosaaso ayaa ku gudbay celcelis dhan 97% boqolkiiba dhammaan maaddooyinkiisa.
