US a Lekha Zir hi Mizo thalai te zing ah kan tlem hle, a then chu kan tum loh vang te a ni mai thei, a then chu a kalphung hriat loh vang te pawh a ni ang. Eng pawh ni se, he article ah hian US kal a that na te, kal tur a tih tur kalphung te ka rawn tar lang ang e.
A. USA a lekha zir na tur chhan te:
1. Zirna quality sang - USA ah an Lekha zir na hi quality sang tak a ni. Khawvel ram hrang hrang a zirlai lekha thiam ber ber te fun khawm na a ni, Zirtir tu te lah khawvel a tha ber ber te an ni. US a lekha zir chhuak te hi Khawvel ah pawm leh ngaihsan a ni.
2. Research tih duh tan – Zirlai US a Phd emaw MS research ti duh tan kawng a in hawng zau khawp mai. Research ti chin tan Chuan research grant an pek hian lekha zir man mai bak ah chenna man a huam vek thei a ni. Phd zirlai te hian heng stipend hmu tur hian Teaching assistant te tih ve a ngai a, a then chu US sorkar research project tih chuan research tih man kha sorkar in a tum mai, a nih loh chuan company lian tak tak in resarch hi an fund bawk. Kum khat ah $30,000 thleng te researcher pakhat tan an pe a ni, India pawisa chuan Rs 18 lakhs vel a ni. Researcher te tan US zir a that na chhan dang leh chu technology leh technique tha ber ber te an hmang thin a ni.
3. Zir na lam duh zawng zir a awl- US ah hian semester system a an kal mai bak ah, zir duh zawng course hi a thlan theih a, duh zawng zawng a thlan theih a ni. Thlan thiam dan a zir in a zir zawh hma theih a, duh leh Arts leh Maths kaih hnawih ang deih pawh a lak kawp theih a ni.
4. Sum lam tanpuina- US a lekha zir tur hian Scholarship leh financial aid hi a tam khawp mai. University tam tak hian student grant, loan leh stipend te an nei. Sawi tawh ang khan University tam zawk chuan Rsearch scholarship te chu stipend an pe a ni. GRE a score hmu tha te phei chu scholarship a tha leh zual. Bank loan lak pawh a har lo. US thalai tam zawk hi nu leh pa te chawm ni lo in, hnathawk pa in lekha zir an tam hle, thingpui dawr ah te, lifeguard te leh hna an hmuh theih ang ang thawk pa in lekha hi an zir thin a ni.
5. Job Opportunity- US a lekha zir zawh hnu ah US ah kum khat chuan hna thawk tur in permit an pe thin, chu mi ti tur chuan Optional Practical Training Employment Authorization (OPT) an apply thin a ni. Zirlai tam zawk chuan OPT chhung khan H1-B visa (US a hnathawh theih na visa) an nei thei a ni.
B. Entrance Exam hmachhawn dan tur –
US a lekha zir tur hian entrance exam pass ngei ngei a ngai a, a har rual in, in puahchah chuan harsa lutuk a ni lo a, undergraduate tan SAT an ziak a, Post Graduate level tan GRE leh GMAT hi an ziak thin a, hen exam paltlang lo hi chuan US ah a zir theih loh a, zirlai tha an duh vang in, zirlai tha thlan nan a an thlitfim na a ni mai.
2. Test kha Mark in pe rawh- Test I kal tlang hnu khan mark in pe la, khwai lai nge improve ngai te in en a pawimawh. Test hian Section 3 lian deuh deuh a nei a, pakhatna chu essay a nia, pahnihna chu verbal a nia, pathumna chu quantative a ni. Quantative hi chu maths problem - Arithmetic, Algebra, Geometry, leh Data Analysis a ni, maths buaina chawk tur hian zawhna pakhat hi minute 1 ang vel a zawh tur a ni. Verbal chu Reading Comprehension, Text Completion leh Sentence Equivalence te a ni. Essay section erawh chu Analyze an Issue leh Analyze an Agrument minute 30 ve ve hun pek a ni bawk.
3.Score dan hre rawh- GRE score a bik tak in Verbal Reasoning leh Quatitative Reasoning hi Mark 130-170 an pe thin a ni, Analytical writing section ve thun chu mark 0-6 an pe bawk. Section tin, Essay tih loh chu score hi exam zawh vel ah a hriat theih nghal a ni. Mark tha hi hriat a har khawp mai, Engineer zir tum tan chuan mark hmu san a pawimawh, chutiang bawk in literature la duh te tan chuan verbal score neih san a pawimawh a ni. US a University tha, John Hopkins University, Harvard University, Stanford University te hmu tur chuan score hmuh that ve viau a ngai a ni, amerawhchu score hmuh that vak loh pawh in University tam tak a awm tho, mark hmuh dan a zir in mahni phu tawk University chu a hriat mai.
4. Zawhna ngai pawimawh rawh- Zawh na chhana tam zawk hi by heart ringawt chi a ni hlawm lo va, hriat thiam a chhan a ngai a ni. Entir nan Verbal reasoning section ah khan chhana dik 3 pawh a awm thei, mahse a tha ber kha chhan a ngai a ni. Chutiang bawk in Quantitative ah zawh na a, algebra zawhna negative a nih chuan, a negative a chhut zel a ngai. GRE, GMAT zawhna tam tak hi kan hriat thiam na leh resarcher tha kan ni thei ang em fin fiah na a ni deuh ber a ni.
C. Statement of Purpose ziah dan tur
C. Statement of Purpose ziah dan tur
GRE/ GMAT entrance exam tluk a pawimawh chu statement of purpose hi a ni. He lekha ziah thiam dan a zir in , University a Zirtirtu te'n zirlai an thlang dawn a ni. Statement of purpose a tel ngei ngei tur 4 tel I lo thlir ang u.
1. Nangma Chanchin tawi ziak rawh - A hmasa ber ah chuan ngati nge I subject I thlan, ngati nge US ah lekha I zir duh, ngati nge kha University ah khan I zir duh ziak rawh mahse pawt sei lutuk suh ang che.
2. Lekha zir tawh te ziak rawh- Research te I lo ti ve tawh a nih chuan, Resarch hming, tu nen nge, eng nge in hmuh chuah, kha ziak ngei ngei rawh. Paper pawimawh emaw Seminar I tel na te pawh ziak tel rawh. A tawp ber ah chuan Hna I thawk tawh a nih chuan, I hna thawh leh I lekha zir tum in kungaihna leh I zir chak na chhan te kha ziak ngei ngei rawh.
3. I lekha zir tui zawng ziak rawh- I statemnt of purpose ah hian chiang tak in, College a in zirtir tu tur te kha research I tui zia leh I hriat thiam dan te I ziak ang. A theih chuan I subject tui zawng te leh subject bik I research chak zawng te kha ziak ang che. Internet ah hian Professor te background mai bak ah an tui zawng te a awm vek a, I professor research I tih pui chak te leh I research tih chak zawng te kha a in ang nge in ang lo chhiar ang che. A tawp ber ah chuan resarch ti tur a lekha zir I in huam zia leh I phur zia ziak tel bawk ang che.
D. Reference Letter eng tin nge ziah tur ?
US a lekha zir tur hian GRE entrance exam leh Statement of purpose ang tluk a pawimawh dang chu Reference letter a nia. Professor te ziah sak tur che a nia, hna te I lo thawk rei tawh deuh a nih chuan I Supervisor te pawh I ziah tir thei ang chu. Reference letter ziah dawn a thil pawimawh zual te.
1. Zirtirtu zing ah tu ber in nge letter of recommendation ziah dawn che. A ziak tu tur khan I hnathawh te a hmu tawh em? A hnuai ah class eng zah nge ka lak? Professor hian ka thiam na te a hre chiang em? A class ah ka ti tha em? Professor hian ka lekha thiam zia te a ziak thiam ang em?
2. Zawhna hmasa te kha a Yes chuan, Professor kha hmai chhan ah emaw phone in ziak tur in dil la, a aw chuan I document pawimawh, I BA mark sheet te, I resume te, I resarch tih tawh te leh I hnathawh te thil tel ang che.
E. Eng nge pawimawh ber GRE Vs Refrence letter Vs Statement of Purpose
Awle, eng nge pawimawh ber, GRE, GMAT score nge, Statement of Purpose nge Recommendation letter hriat thiam a har kan ti viau mai thei. Eng kim ah tih that loh pawh in University tha hi a hmuh theih tho, mahse I application kha fimkhur tak in an en ang a, mark te I hmu tha lo mah la, statement of purpose leh letter of recommendation tha tak I hmuh chuan I la tlang thei tho a ni. Chutiang bawk in GRE entrance exam ah mark hmu sang viau mah la, statement of purpose, I lekha zir tum chan kha a mumal loh chuan admission hmu tur in an pawm chuang lo mai thei che a ni.
F. Eng tin nge University zir na tur thlan dan tur?
USA ah hian University tha tak tak a tam mai a, University ranking a sang ringawt hi a tha pawh a ni chuang lo va, department a zir te pawh a ni thei a, chuan ngaihpawimawh dan a zir te pawh a ni thei bawk, a then chu Christian University a zir duh te an awm a, a then chu Khawpui a zir duh te, chutiang zel in, eng tin nge University thlan dan tur I lo en ang u.
1. Subject - I zir duh kha University I zir duh khan an nei em? Zirtirtu te an nei tha em, tih kha a pawi mawh hmasa ber pawl a ni ang.
2. Hmun leh University len zawng- USA hi India ram ai in a lian deih a, time zone ringawt pawh 6 an nei a ni. Hmun thenkhat chu vur tlak tam na te a nia, a then chu thla ler te pawh a awm. Chhim lam ah Spanish an uar hle bawk. East Coast lam, Maryland, Washington DC leh Virginia kual hi Mizo te an hle, California lam ah hian Asian an tam hle bawk. US chhim lam hi khua a lum ve thei hle, mahse hmar lam chu Vur te a tla a, a vawt hle bawk. Middle America an tih, Ohio, Indiana tih vel ah hian mi ngo an tam a, mi pawh an polite in an fel, ei in vel pawh a tlawm. West coast lam hi a mawi bak ah an rilru a zau. University tam tak khawpui a an awm lai in, khawpui pawn leh thingtlang ah te pawh a awm a, zirlai pawh 1,000 atanga 40,000 dawn zirlai nei te pawh an awm.
3. Campus Life- University tin hian boruak an nei ve a, nuam I tih zawng thlan thiam a ngai, a then chu lekha zir lam ah an hming thang a, competition pawh a sang, a then chu sports lam an uar, sports ah pawh american football, sports etc. University thenkhat chu party leh hmeltha tam na a lar te pawh a awm lai in, Christian University strict tak te pawh a awm.
4. Admission har dan- US a university thenkhat chuan 10 % chauh admission an la lut a ni, US university a lut ngei ngei tur chuan University tha tak tak 2-3, leh University 2-3 competition sang lutuk lo, I luh ve ngei theih na tur ngaihtuah a tha khawp mai. Scholarship te I beisei ngat a nih chuan, University tha ah chuan lekha thiam thei an tam a, scholarship hmuh a harsa deuh ang, chutih rual in University hming thang lutuk lo ah chuan scholarship hmuh ve na chance pawh a tha ve deuh ang.
5. US lekha zir man- University applya zir dan in, zir man pawh a in ang lo viau ang, in rel bawl tur a sum sen pawh a in ang lo viau ang. Sum lam a I harsa deuh a nih chuan heng point te hi ngai pawi rawh.
- Public universities zir na man private university ah in a tlawm zawk.
- University Chhim lam leh America lai hawl a awm te in rel bawl a hautak lo zawk, in luah man te leh ei tur te a tlawm zawk.
- University financial aid pe thei ngaihtuah rawh. Fullbright scholarship te leh scholarship dang tam tak a awm, khang kha ngaih ven la, eng university ah nge scholarship an pek ngaihven ang che.
- University a lekha thiam filawr pawl I nih theih na ah apply ang che, Lekha I thiam thei viau a nih chuan Harvard University ang a te apply la, scholarship tha tak I hmu thei ang, chutiang a nih loh chuan chhim lam ah emaw universty tha lutuk lo ah apply la, a thiam pawl I nih chuan scholarship I dawng thei ang.
- America ah hian Communtiy college hi an nei a, kum 2 diploma an pe thin, chuta tang chuan University ah I in transfer thei a ni. Community college a lekha zir man hi a tlawm deuh.
G. Visa Interview hma chhawn dan tur
1. Student visa hma chhawn tur, University in an University ah an pawm che tih lekha an lo thawn ang che, chu chu U.S. Citizenship and Naturalization Service (USCIS) approve a ni ang. Visa form kha fimkhur tak a chhan a pawimawh. US University a lekha an lo thawn leh I hming ziah dan te kha in ang vek tur a ni.
2. Visa interview tur in appointment I siam a ngai. Apply tur chuan US consulate Chennai, Delhi, Mumbai emaw Mizoram atanga hnai ber Kolkata a tih a ngai ang. Website ah apply dan tur kalphung chu a in ziak vek ang. DS-160 form kha online a tih a ngai ang, chuan sum pek ngai ang chu Credit card in a pek mai theih a ni.
3. In che dan tur- In chei dan hi a pawimawh, in biak na hun tur a tlem a, minute tlem te an hmuh chhung che khan lekha zir tur a I convince a ngai. Mipa tan chuan Suit nen emaw smart tak a in chei a tha. Hmeichhia pawh zahawm tak in.
4. Zawhna chhan dan tur- Zawhna an zawh in zam miah lo in, a point thlap thlap a chhan a pawimawh. US a lekha I zir duh na chhan te, I kal duh chhan leh I zir zawh hnu ah Mizoram ah emaw I thiam na I hman tum dan te sawi a pawimawh. By heart deuh a sawi tur va sawi emaw, America va fak chiam kha a tul lem lo. University I zir na tur I thlan chhan te kha sawi a pawimawh bawk. Visa interview in an en ber chu lekha zir tur ni lo va, pem tur a rawn kal tum I ni em tih kha an ngaihtuah na lian ber a ni. Dawt sawi loh hi a tha ber. Interview tu te hi dawt sawi man thiam tur a train an nia, vawi khat dawt sawi tawh chuan USA kal tur a interview leh pawh awmzia a awm vak tawh lo vang. I lekha zir a ti tha I nih chuan sawi lan ngei kha a pawimawh bawk, I mark te a tha vak lo a nih chuan, chhungkua zing a boral vang te emaw a nih chuan sawi lan kha a pawimawh hle bawk ang.
