Chennai Mizo Welfare Mikhual lo kal te leh member duh tak te u,  Hetah ding thei a min siamtu Pathian hming in Kut Chibai kan buk phawt duh che u a ni.

Mizo te’n kut tam tak kan nei, Chapchar Kut te, Thalfavang kut te leh kut dang te pawh a ni ang. Keini Chennai Mizo te chuan Zo hnathlak in lungrual na leh kan Mizo Culture promote na atan hian tha kan tih avang in Chennai Mizo Kut hi kan tan a ni.

Vawiin ni kut hi tun hma kha chuan Zirlai leh hnathawk haw tur te Farewell atan kan hmang thin a, in thlah na hun ah te pawh kan hmang thin. Tun kut hi Member chhuak tur te kan thlahna a ni nghal pah bawk a, member hlui fel tak  leh tangkai tak, tlawmngai tak tak te chung ah Chennai Mizo Welfare member in nih lai a, in impumpekna te,  chhiatni ah te mahni sum leh pawisa pawh ui lo a, tlawmngaihna in chhuah thin na ah te lawmthu kan sawi duh a. Hetiang kut ah hian Mizo ze mawi – rinawmna te, taihmakna te, dikna te, tlawmngaihna te theihnghilh lo a, kan zo nun ze mawi uar leh zual tur in ka rawn sawm duh che u a ni.

Tun kum kal ta khan Chennai Mizo Welfare chuan Tv 2 leh Nl 1 kan sun a, pawi kan ti hle- heng ruang thawn haw na ah Chennai Mizo Welfare member pui te tlawmngai a in rawn che chhuak kha kan zo nun ze mawi tih lan na dik tak a ni tih ka rawn duh bawk a ni. Heng mai bak ah, dam lo tanpui ngai, hlawh la thei lo tanpui leh buaina dang tam tak tawk te tlawmngai a in rawn thawhchhuah kha kan culture a ni tih hre tlang ang u.

Kan mizo hnam leh culture chawi mawi tur hian nang leh kei bak chawi mawi thei kan awm lo, hnam dang in kan culture an rawn ngai sang ringawt dawn lo. Hei, vawiin ah pawh hnam kawr hak te kan rawn sawi uar a, Mizo hnam in tuam hrang hrang in lo kal a, a lawmawm khawp mai. Example pakhat pe ve I la, keini chhungkua ah chuan, kan fa te phai ram ah an thang chho tan, Sap tawng chu an thiam, In lam ah chuan Mizo tawng hman kan uar pui a ni.  Kan hnam, kan tawng te hi hnam dang zing ah zahpui lo in, chhuang tak in nun chhuah pui tur in ka rawn sawm leh duh che u ani.

Vawiin a rawn kal te pawh, kan hnathawh na ah te, kan lekha zirna ah te hmanlai kan pi pu te ze mawi, rinawmna te, taihmana te kha kan ti nung zel em tih kha vawiin hian in zawt nawn leh tur in ka rawn sawm duh che u a ni.  Hetah zirlai zir chhuak te leh hnathawk te pawh Chennai atang hian eng nge ka hawn ve dawn tih hi in ngaihtuah theuh I la, hawn dawn tih khan Express avenue a thawmhnaw mai emaw Ritchi street a mobile phone thar ber ber te ni lo in, kan thiam na te, Mizoram ah sum dawn kan tan theih na tur te ngaihtuah thar tur in ka rawn sawm duh che a ni. Mizoram ah hian mizo zawng zawng te tan sorkar hna a tam tawk lo, a then chu mahni sumdawng na te an tan, chennai atanga zir chhuak te sum dawng na hlawhtling tak tak nei Mizoram ah pawh kan nei ve ta nual, en tawn I tum ang u.

Hetah rawn kal Mizo thalai te pawh in zir na tur kan la nei tam, Khawtlang ti buai a zu rui buai, mahni awm na hmun hostel emaw hnathawhna ah buaina siam,  leh a bik tak in tun lai thalai zing ah damdawi hmang (Spasmo proxivon) a rui te an tam, heng ka rawn sawi tak hi zo ze mawi a ni lo. Hetiang nun ze mawi ni lo, mizo hnam ti hming chhe zawng a awm lo hram hram tur in vawiin a rawn kal te hi ka sawm nghal duh che a ni. Hetiang kan warning te ngai pawimawh lo chu Central YMA hnen ah thleng thlen kan hreh lo ang.

Hetah Chennai Mizo rawn kal thalai te leh member pui te u, kan zo ze mawi ka rawn sawi tak ang te rinawmna te, taihmakna te, dikna te, leh tlawmngaihna kan awm na apiang ah chhawm nung zel tur in vawiin a rawn kal zawng zawng te  ka rawn sawm duh che a ni. Kut Chibai ! Ka lawm e.