| |
| |
| Kan Lalpa Isua Krista hmingin Chibai ka buk a che u a, he hun lawmawm ka nei thei hi Worship Committee te chung ah ka lawm hle.. Engangin nge kum thar lo thleng hi kan nghah a, kan lo hmuah le? |
| |
| Tun kum inkhawm hmasa ber hun ka hmang thei hi ka lawm khawp mai, Kum thar hi Beiseina a kan tan a pawimawh, mahse kan beiseina hi eng nge awm zia? JF Laldailova ah chuan Beiseina chu nghahfak tih in a ziak a ni. Kum thar kan tan a, beiseina thar nen kum kan tan a, a tam tak chuan ni thar dang ang bawk a ni. a danglamna a awm lo va. Awle, a nih leh beiseina hi Khawvel zawng a kan hman dan leh a Bible a beiseina kan hman dan hi a in ang em? I lo thlir ang? |
| A khawvel zawng in beisein kan lo thlir dan I lo en chhin the ang. 1. Ka fapa nathana in ka pa chu lo ho hma se, Monopoly kan khel dun thei ang a, a ti thei, keimah nen in khelh a duh vang a ni. Thil thleng tur tha beiseina Pawh a tih theih ang. Lottery man beisei na ang deuh. Another example – Lottery emaw vawiin Jeje te Chennaiyin an chak ka beisei. 2. Ka hming pawh tluanga a ni, tluang tak in lo thlen ka beisei, thil tha thlen beiseina. Kan thian thenkhat te pawh Aizawl atang in tluang tak a Chennai an rawn thlen phei leh kan beisei, beiseina chi khat leh chu a nih tho mai. – Nau neih 3. Beiseina chhan tha tak kan neih vang pawh a ni thei. Ruah a sur a, tui kan harsat loh ka beisei. Bible ah beiseina awm zia. Bible a beiseina a hman dan hi dicitonary beiseina nen chuan a in ang lo hle. Bible hian beiseina a nei lo tih na lampang ni miah lo in. Ka rawn sawi hmasak ber, ka fapa in lo ho hma tur in min tih kha, a chiang lo, dar 5:30 a haw tur a min beisei kha dar 7 vel bak ka haw hman ngai lo. Kan thian thian te rawn thleng tluang thei tur a kan beisei pawh, flight te a in cancel thei. Ruah sur tur a kan beisei pawh kha a chiang lo. Chennai ruah sur nasat lai khan ruah a han kan beisei, mahse a han chuang lo, a kum leh ah ruah a tlem a, ruah a tam kan beisei, ruah a tam chuang lo. Beiseina kan sawi hian, thil chiang lo kan sawi na a ni. Bible ah chuan tiang hi a ni ve lo, Bible a beiseina hi chu thil tha thleng tur a beiseina a ni ve lo, Thil tha thleng ngei ngei tur rin na a ni zawk. A thlen a beisei ringawt lo vin, a thlen ngei a ring bawk a ni. Kan beiseina hi lawngpui chawlhnan a an hman anchor ang a thuk kan neih a ngai. Hebrai 11:1 - Rinna hi kan beiseite hriat chianna, thil kan hmuh lohte hriatfiahna a ni.Bible ah beiseina leh rinna kan neih hi a kal dun a ni. A hrang in a kal lo. Beiseina thîrchakaiah Pathian thutiam puitling ngei tûr Herbrai 6:13-19 13Pathianin Abrahama hnêna thu a tiam lai khân, a aia ropui zâwk chhâl tûr an awm loh avângin amah leh amah inchhâlin thu a tiam a. 14“Matheilovin mal ka sâwm ang chia, ka tipung ngei ngei ang che,” tiin. 15Tichuan, Abrahama chuan a nghâk fan fan a, Pathian thiltiam chu a dawng ta a. 16Mihringte chuan anmahni aia ropui zâwk chhâlin chhia an chham ṭhîn, chutiang chhechham chuan thu inchuh a titâwp a, a tinghet ṭhîn a ni. 17Pathian pawhin a thutiam a sût loh tûrzia entîr nân thutiam dawng tûrte hnênah mahni inchhâl meuhvin a nemnghet a. 18Sût leh mai mai loh chi hêng thil pahnih - thutiam leh mahni inchhâlna avâng hian, Pathian chu daw rual a ni lo ve. Chuvângin, keini, a hnêna tlânte hian him nân kan hmaa beiseina chu thlamuang takin kan chelh thei a ni. 19Chu beiseina chu kan nun thîrchakaiah kan nei a, rinawm leh nghet tak a ni; Hmun Thianghlim Berah a inthlung lût a. Isua chu dawt sawi thei lo Isua a ni. A lawmawm rual in a hlauhawm ve tho mai. Ka hnathawhna a ka boss hi a thu sawi chu a sut leh tawh ngai lo. Vawi khat chu ka thawhpui pa a ban a, ka pu hnenah chuan a hnu khan ban lo tur in ka ngen a, a ni chuan min lo hriat thiam pui khawp mai, mahse ka thu sawi ka sut thei tawh lo a ti. A tha zawng a min tiam pawh in a lawmawm, a tha lo zawng pawh in a lawmawm, mahse Isua chu thu sut ngai lo isua, beiseina tlak Isua kan nei a ni. Tui in lo, chaw ei lo emaw thaw lo pawh in kan awm thei, mahse beiseina nei lo chuan kan nung thei lo. Kan nun thîrchakaiah emaw chelh tu tur chu sum emaw, ropuina emaw a ni thei lo. Isua ah kan in nghat a ni loh chuan kan leng mai mai thei, hna ah kan mumal lo va, kan bang a, hna dang kan zawng kual a, bial nu emaw bialpa kan nei kual a, kan mumal lo. Lawng pawh nghet tak a chelh ding tu a neih chuan thlipui pawh tleh mahse lawng a ding nghet tlat zel. Kan nun ze nghet Pathian hmuh kan tum a nih chuan min cheltu nghet kan mamawh dawn a ni, tum mumal kan neih loh chuan chelh ding tu thîrchakaiah kan mamawh lo. Mahse Pathian zuitu nghet kan ni dawn a nih chuan chelh dingtu nghet thîrchakaiah, ti sa thlemna te, satana thlemna hrang hrang do dal thei tur kan mamawh dawn a ni. Kan beidawn in eng ah nge kan beiseina kan nghah, a then chu mahni la, suicide te kan awm, a then chu bottle lam ah te, a then chu ruih na chi hrang hrang dang pawh a ni ang. Beisei na tak tak chu Pathian thu ah chauh a ni, keimahni duh thu a in nghat a ni ve lo. Beiseina ah beidwawn loh tur: |
| A lawmawm zawng emaw, a beidawnthlak zawng emawa thlirtute pawh kan awm ngei ang. Hlim leh lawm taka beiseina thar nena he hun hmuak mektu; zirna kawngah emaw, thlawhhma lamah emaw, eizawnna lama hlawhtlinna thar avanga hlim taka he hun thar chuangkaite kan awm a nih pawhin kan lawmpui che u a. Duhsakna kan hlan che u a ni. Chutihlai chuan vanduaina chi hrang hrangin a chenchilh leh a tlakbuak avanga lungngai tam takte pawh kan awm ang. Heng mi chi hnihte hnena ka sawi duh chu beiseina a ni. Pathian lam hawi la, beisei tlat la, lawm rawh, tiin kan infuih duh a ni. |
| |
| Tuna i hun tawn meka kha i awm hlen dan tur a ni lo. Vanduaina i chungah a thleng emaw, lawmna nen hun i hmang mek a nih pawhin, kha kha kumkhuaa i chan hlen tur a ni lo. Nipui, fur, favang leh thlasikte a inthlak zel ang hian mihringah lungngaih ni leh tah ni-te awm thin mah se, lawm ni leh hlim ni-te a lo inherchhuak leh thin. Kum 2017 kha mi tam tak tan chuan kum tha a ni lo ang, kan duh dang pawh in a ni lo ang. Mosia a pawh kha Pharoah hma a thu sawi tur in Isua khan a tir a, Pharoah khan a ngaithla dawn lo che, ka ti luhlul dawn a ti a nih kha. Isua khan pharoah kha lo ti luhlul lo ta se chuan, Mosia khan Israel mi te kha Aigupta ram atang in a hruai chhuak ang a, a ma thil tih theih vang a hruai chhuak emaw pawh kha a ti mai thei. Harsatna te a awm loh chuan, keimahni tih emaw pawh kan ti thei, harsatna awm lo chuan Isua kan ngai pawimawh lo ang. Aigupta Lal, Pharaoh pawh in a chhuah hnu pawh khan a harsa thei ber in, tuipui sen kan ngai khan a siam a nih kha. Khawi zawk emaw chauh pawh hi thlangin auh din tum mah ila, kan au ding zo dawn chuang lo. Chuvang chuan hei hi i hria ang u - Engkim in ta a ni si a, titu Pathian chuan kan lawm pawhin, kan lungngaih pawhin kan tan heng hun hi a thlentir a, fel taka buk dik sain kan chungah hian a thlentir a ni tih hi i hre reng ang u. |
| Kan beidawng lai hian Seta hian min bei nasa leh zual a, Kum 2005 Georgia, Atlanta ah Brian Nichols, pawngsual a puh chu court atang in a tlan chhia a, a tlan chhiat na lam ah Court Judge, Police officer, reporter leh Immigration officer a kap hlum a, a tlan chhiat na lam ah Nuthlawi pakhat Ashley Smith, drugs addict in ah a lut a, chu nu chuan a mah hostage a awmpui lai in, drugs a khawih thin nasat zia leh a pasal pawh drugs a zawrh na lam a thih thu te a hrilh bak ah, Ashley smith, drug addict waiter, Pathian zui tlak a pawh in ngai lo khan Pathian ah beiseina a awm thu a chhiar sak a, Brian a chuan Ashley drugs addict chu drugs a dil a, a pe ve mai a, ti ve tur in a tih khan a, a ti ve duh ta lo a, drugs ti chung a thih a, Pathian hmuh ka duh lo a ti ve tlat a ni, a hnu a interview na ah chuan. chhuah a phal sak ve mai. A chhuah hnu ah chuan Brian Nichols a chu an man ve ta nghe nghe. Khawvel a misual ber a kan ngaih te, drugs addict te leh beidawng misual te pawh Pathian a beiseina an neih chuan nunna an neih leh thei thin a ni. |
| |
| Beidawnna hi Setana hmanraw hlauhawm ber a ni thin a, Mi beidawngte hi an khawngaihthlak a, mahni nunna lak duh hialte pawh an lo awm tawh thin a ni. Setana buma awmte tan rah tha chhuak tur a awm lo. Chuvangin beiseina kan neih hi a pawimawh tak meuh meuh a ni. Pathian beisei rawh. Lalpa lam hawi la, beiseinaah lawm rawh tih hi kumthar thuchaha kan infuih duhna chu a ni. |
| |
| |
| He kum thar bul kan tan mekah hian kan dinhmun chu engang pawh ni rawh se, kum thar min hruai thlengtu kan Pathian hian chakna thar min pein min tiharh ang a, lawmna thar min siamsak thei a ni. He hun thar lawmawm hi beiseina thar nen, Lalpaa rinna nghet tak nei chungin i chhiar tan ang u. He khawvelah chauh ni lo, khawvel lo la awm leh turah pawh beiseina nung hmu turin min hring a, chu beiseina nung nen chuan kan hmalam i thlir zawk ang u. |
| |
| Lalpan a thute mal min sawmsak rawh se. Amen |
| |
