Apne Blogger blog ke liye acha Template dhund-dhund kar thak gye Hain, koi acha template mil nahi rha?

Yeh smasya mujhe bhi hoti hai jab mein koi naya blog bnata hun Blogger platform par.

Blogger platform ke default templates to aapko pta hi hai SEO optimized aur features ke mamle me achhe to hote nahi, dusra option hamare pas bachta hai third party templates jo ki ab hume bahut si websites par mil jayenge par dikkat usme bhi hai kuch jo design me achhe hain lekin SEO aur coding me bekar hain, isliye har ek chiz ko dekhe bina aise hi template ko apply kar dena thik nahi hai, naye Bloggers aksar yeh galti kar dete hain.

Agar aap Blogger par hi tike rehna chahte hain to me aapko ek sujhav deta hun template achha chune pehli bar me hi kyonki bar-bar template change karne se ranking me farak pdta hai.

Aaj me aap sab se apna tarika share kar rha hun kaise mein apne naye blog ke liye template select karta hun.

What to look before applying any Blogger template

Design: Template ka design kaisa hai wo to aap konse topic (niche) par Blogging kar rhe hain us par nirbhar karta hai, mein to aapko yehi slah dunga template mobile first, lightweight chune matlab speed me fast loading, color aur fonts combination achha ho isse ranking bhi achi hogi blog ki aur engagement percent bhi badhegi.

Features: Social icons sidebar me, social sharing buttons, related posts below the content, yeh 3 features to hone chahiye, baki jo bche wo newsletter box, author box, ye sab.

SEO friendly: Kuch templates hain jo features rich aur dikhne me achhe hain par SEO friendly nahi hain coding achhe se nahi ki gyi matlab loading me slow to aise templates to kabhi mat lgana apne blog par agar aap paisa kamane ke liye Blogging kar rhe hain kyonki agar blog post rank nahi karegi search engines me to traffic ki umeed aap kaise lga Sakte Hain.

Pehle to neeche di gyi websites me se apne blog ke liye jo aapko sahi lge 5-6 templates select kar le.

Blogger templates download karne ke liye websites:

• Sora Templates
• ThemeXpose
• Templateism
• MS Design
• Way2Themes
• OnlyBloggerTemplates
• Templateify
• Idntheme

Ab jo aapne templates select kiye the ab unko ek-ek karke Google structured data testing tool se test karenge ke koi error to nahi aa rha.

Jaise ki yeh https://gravitytemplate.blogspot.in/ template ki URL hai isse ab Google Structured Data Testing Tool par check karenge errors ke liye.

Neeche aap screenshots dekh sakte hain.

Isme 0 errors aur warning show ho rhi hai matlab ye template istemal karne layk hai, par abhi ruk jao ek aur test karna baki hai ab koi ek blog post ki link copy karke structured data testing tool me paste karke ek last test karo kyonki kbi-kbi blog posts par errors aa jate hain.

Ab aap khushi-khushi ye template apply kar sakte hain.

• Fix Structured Data hatom Errors in Blogger – MyBloggerTricks
• How to Fix hatom Structured Data Errors in Blogger – My Blogger Lab
• How to Fix Missing: author Error from Blogger Template? – Blogger Spice
• Fixed All Google Data Structured Error From Blogger + Static Pages – BloggersStand

Template wo chune jo jitne km samay me load hoga utni achhi ranking hogi search engines me, naye blogger to is mamle me bahut careful rhe kyonki jra sa galat template chun ne par mahino lg sakte hain ranking improve hote-hote so, be careful.

Aap neeche dekh sakte hain jo maine is blog par template apply kiya hai wo mahej 1 second me load hota hai jo ki achhi baat hai. 3 seconds se kam me jo load ho wahi apply kare.

Conclusion-

Yeh tha mera templates dhundne ka tarika, templates to aj kal aapko bahut mil jayenge par sahi tarike se kaise dhundkar apne blog par lgaya jaye us baat ka dhyaan rkhna pdta hai, kyonki aap to ktehi nahi chahoge ki aapke blog ki performance kisi bhi tarah se kam ho, aapka fayda hi fayda ho.

The post Blogger/Blogspot Blog Ke Liye Ache Templates Kaise Dhunde? appeared first on TruHindi.