Универзитетот „Св. Климент Охридски“ – Битола е прв и единствен македонски универзитет кој е дел од Европска универзитетска алијанса, за што веќе известиja Делегацијата на Европската Унија во Скопје и Националната агенција за европски образовни програми и мобилност.

Европските универзитетски алијанси им овозможуваат на новите генерации европејци да учат и работат во различни европски земји, на различни јазици, во различни сектори и во различни академски дисциплини. На тој начин студентите добиваат дипломи од комбинирани студии од неколку европски земји, што придонесува до меѓународна конкурентност на европските универзитети.

Повеќе за Европските универзитетски алијанси можете да прочитате на

https://education.ec.europa.eu/education-levels/higher-education/european-universities-initiative

Одобрениот проект е со вкупен буџет од повеќе од 14 милиони евра, од кои за УКЛО се 830.000 евра, а ќе се имплементира наредните четири години на целиот УКЛО, како во ректоратот, така и сите единици. Значајно е дека проектот ќе овозможи целосна дигитализација на процесите на УКЛО, како и заеднички студиски програми, размена на студенти и кадар во рамките на алијансата. Очекуваме овој проект, како најголем европски проект што се имплементирал на УКЛО (веројатно и еден од најголемите проекти кои се имплементирале на универзитетите во Македонија) во наредните четири години значително да го промени ликот на УКЛО,

Европската универзитетска алијанса во која членува УКЛО е наречена COLOURS – COLlaborative, innOvative, sUstainable, Regional UniverSities и неа ја сочинуваат JAN DLUGOSZ UNIVERSITY IN CZESTOCHOWA (PL), JOSIP JURAJA STROSSMAYER UNIVERSITY OF OSIJEK (HR), KRISTIANSTAD UNIVERSITY (SE), UNIVERSIDAD DE CASTILLA – LA MANCHA (ES), UNIVERSITA DEGLI STUDI DI FERRARA (IT), UNIVERSITAET PADERBORN (DE), UNIVERSITE DU MANS (FR), UNIVERSITY ST KLIMENT OHRIDSKI BITOLA (MK), VENTSPILS UNIVERSITY OF APPLIED SCIENCES (LV).

The post УКЛО е прв и единствен македонски универзитет дел од европска универзитетска алијанса first appeared on Универзитет Св. „Климент Охридски“ Битола.