Sahi Islami Waqiat صحیح اسلامی واقعات

Islamic Documentary in Urdu 

۔ اس کی ، چادر کا کونہ فرش پر لٹک رہا تھا۔ ایک غریب بدو کا پاؤں چادر کے کونے پر آ گیا۔ اسے جھٹکا جو لگا تو غصے میں آ گیا اور ہدو کو ایک زور دار تھپر دے ۔ مارا۔ یہ شخص غسان کا بادشاہ جبلہ تھا۔ پہلے عیسائی تھا، لیکن جب مسلمانوں نے شام کو فتح کیا تو یہ مسلمان ہو گیا۔ اس کا تھیٹر بدو کی آنکھ پر لگا ، 

اس کی آ نکھ پر شدید چوٹ آئی ۔ اس وقت اتفاق سے مسلمانوں کے دوسرے خلیفہ حضرت عمر ابن خطاب رضی اللہ عنہ بھی حج کے لئے مکے پہنچے ہوئے تھے۔ بدو ان کی خدمت میں حاضر ہوا اور اپنا چہرہ انہیں دکھایا ۔ انہوں نے پوچھا یہ کس نے کیا ہے ؟'' ’’ غسان کے بادشاہ جبلہ نے ‘‘اس نے بتایا۔ حضرت عمر رضی اللہ عنہ نے جبلہ کو بلوایا ۔ وہ حاضر ہوا تو آپ رضی اللہ عنہ نے اس سے پوچھا’’ تم نے اس بدوکو تھپڑ کیوں مارا؟‘‘

 ’’اس نے ہماری چادر پر پاؤں رکھ دیا تھا۔ اس لئے ہم نے اسے اس گستاخی کی سزا دی اور یہ سزا کیا ہے، ہم تو اس رتبے کے آدمی ہیں کہ ایسی گستاخی کرنے والے کو سزائے موت دیتے ہیں ۔،،، اس پر حضرت عمر رضی اللہ عنہ نے فرمایا ۔ اب جاہلیت کا زمانہ نہیں رہا سب مسلمان برابر ہیں ۔تم نے اس غریب مسلمان کے ساتھ زیادتی کی ہیں لہٰذا ایسے حق پہنچتا ہے کہ یہ اِس کا بدلہ لے، اور بدلہ یہ اسی طرح لے سکتا ہے کہ تمہارے منہ پر تھپڑ مارے،

 ہاں یہ تمہیں معاف کر دے تو اور بات ہے، بہتر یہی ہے کہ تم اسے کچھ دے کر راضی کر لو، آپ رضی اللہ عنہ کی یہ بات سن کر جبلہ نے کہا، امیرالمومنین! کیا آپ کے نزدیک بادشاہ اور ایک بدو میں کوئی فرق نہیں۔ یہ کیسے ہوسکتا ہے کہ یہ مجھے تھپڑ مارے یا میں اسے راضی کروں ، اس کی منت کروں ۔‘‘ حضرت عمر رضی اللہ عنہ نے جواب میں ارشاد فر مایا ’’اسلام کا قانون سب مسلمانوں کو برابر کا درجہ دیتا ہے ، اس لئے تمہیں سزا بھگتنا ہوگی یا پھر بدو کو راضی کرنا ہوگا ۔‘‘

 جبلہ یہ سُن کر سوچ میں پڑ گیا۔ آخر اس نے کہا۔ اچھا مجھے ایک دن کی مہلت دیں تا کہ میں اس معاملے پر غور کرسکوں ۔ حضرت عمر رضی اللہ عنہ نے اس کی یہ بات منظور کر لی ۔ جبلہ کے دماغ میں بادشاہی کا غرور تھا، وہ وہاں سے اپنے خیمے میں پہنچا اور رات کے وقت چھپ کر شام کی طرف بھاگ نکلا۔ وہاں سے روم کے بادشاہ کے پاس قسطنطنیہ پہنچا۔ دوبارہ عیسائی مذہب اختیار کر لیا اور وہیں کفر کی حالت میں مرا۔،،