Canara Jeevan Dhara: Canara Bank Announces New Savings Account Special for Pensioners

Canara Jeevan Dhara: సరికొత్త సేవింగ్స్‌ ఖాతాను ప్రకటించిన కెనరా బ్యాంక్‌.. పింఛన్‌దారులకు ప్రత్యేకం.

భారతదేశంలో ప్రముఖ బ్యాంక్‌ కెనరా పింఛన్‌దారులకు ప్రత్యేకంగా ఓ సేవింగ్స్‌ ఖాతాను ప్రకటించింది. కెనరా జీవన్‌ధార పేరుతో ప్రకటించిన ఈ ఖాతాను పింఛన్‌దారులతో పాటు కాబోయే పింఛన్‌దారులు పొందవచ్చు. స్వచ్ఛంద ప్రాతిపదికన లేదా సాధారణ పదవీ విరమణ చేసిన ఉద్యోగులందరూ ఈ ఖాతాను పొందడానికి అర్హులు. ఈ ఖాతా ద్వారా వినియోగదారులకు విభిన్న ప్రయోజనాలను అందిస్తుంది. ముఖ్యంగా డిపాజిట్లపై రుణాలు, వైద్య ఖర్చులపై రాయితీలు, మరెన్నో ప్రయోజనాలను ఈ ఖాతాదారులకు వర్తిస్తాయి.ఈ ఖాతాను తెరవాలంటే సమీపంలోని కెనరా బ్యాంక్ శాఖను సందర్శించాల్సి ఉంటుంది. పెన్షన్ క్రెడిట్‌పై ఆధారపడి బ్యాంక్ రెండు వేరియంట్‌లను అందిస్తుంది. డైమండ్స్ ఖాతా రూ. 50,000 వరకు, ప్లాటినం ఖాతా రూ. 50,000 కంటే ఎక్కువ డిపాజిట్‌ను చేయాల్సి ఉంటుంది. ఈ ఖాతా గురించి మరిన్ని వివరాలను తెలుసుకుందాం.

కెనరా జీవన్ ధార వడ్డీ రేటు

కెనరా బ్యాంక్ వెబ్‌సైట్ ప్రకారం జీవన్ ధార పొదుపు ఖాతాపై వడ్డీ రేటు సాధారణ పొదుపు ఖాతాతో సమానంగా ఉంటుంది, ఇది ఖాతాలోని బ్యాలెన్స్‌ను బట్టి 2.90 శాతం నుంచి 4 శాతం  వరకు ఉంటుంది. రూ.50 లక్షల కంటే తక్కువ ఉన్న పొదుపు ఖాతాలకు బ్యాంక్ 2.90 శాతం వడ్డీ రేటును అందిస్తోంది. రూ. 50 లక్షలు, రూ. 5 కోట్లు. రూ. 5 కోట్ల నుంచి రూ. 10 కోట్ల లోపు ఉన్న పొదుపు ఖాతా నిల్వలపై బ్యాంక్ 2.95 శాతం వడ్డీ రేటును అందిస్తుంది. రూ. 10 కోట్ల నుంచి రూ. 100 కోట్ల కంటే తక్కువ ఉన్న పొదుపు ఖాతా నిల్వలపై వడ్డీ రేటు 3.05 శాతంగా ఉంటుంది. రూ. 100 కోట్ల నుంచి రూ. 500 కోట్ల లోపు ఉన్న పొదుపు ఖాతాల్లోని బ్యాలెన్స్‌లపై 3.50 శాతం వడ్డీని చెల్లిస్తుంది. కెనరా బ్యాంక్ ఇప్పుడు రూ. 200 కోట్ల నుంచి రూ. 500 కోట్ల మధ్య ఉన్న పొదుపు ఖాతా నిల్వలపై 3.10 శాతం వడ్డీని చెల్లిస్తుంది. 

డిపాజిట్‌పై రుణం:

ఈ ఖాతా కింద సీనియర్ సిటిజన్‌లకు బ్యాంక్ డిపాజిట్ రేటు కంటే 0.75 శాతం పైన బ్యాంక్‌ ఆఫర్ చేస్తుంది.

టాప్ అప్ సదుపాయం:

ఈ ఖాతా వినియోగదారులకు బ్యాంక్ పెన్షన్ లోన్‌లపై టాప్ అప్ సౌకర్యాన్ని అందిస్తుంది.

వైద్య ఖర్చులపై రాయితీ :

కెనరా బ్యాంక్ జీవన్ ధార ఖాతాదారులకు 25 శాతం వరకు వైద్య ఖర్చులపై రాయితీని అందిస్తుంది.

కెనరా బ్యాంక్ ఎఫ్‌డీ వడ్డీ రేట్లు:

కెనరా బ్యాంక్ సాధారణ ప్రజలకు 4 శాతం నుంచి 7.25 శాతం, సీనియర్ సిటిజన్లకు 4 శాతం నుండి 7.75 శాతం వరకు 7 రోజుల నుండి 10 సంవత్సరాలలో మెచ్యూర్ అయ్యే ఎఫ్‌డీలను అందిస్తుంది.