Google's new feature: Google's new feature.. your personal information can be found anywhere!
Private Information: గూగుల్ కొత్త ఫీచర్.. మీ వ్యక్తిగత సమాచారం ఎక్కడున్నా ఇట్టే వెతికేస్తుంది!
Personal Information: వినియోగదారుల సమ్మతి లేకుండానే కొన్ని వెబ్సైట్లు.. పర్సనల్ ఇన్ఫర్మేషన్ సేకరిస్తుంటాయి. అలా పోగు అయిన వివరాల గురించి అప్రమత్తం చేసేందుకు ఇప్పుడు ప్రముఖ సెర్చ్ ఇంజిన్ గూగుల్ ఒక కొత్త ఫీచర్ తీసుకొచ్చింది. దాని గురించి తెలుసుకుందాం.
User Safety: ఈ రోజుల్లో అంతర్జాలం విస్తరించింది. మారుమూల పల్లెల్లోనూ ఇంటర్నెట్ ఫుల్ స్పీడ్తో వస్తోంది. ఇక స్మార్ట్ఫోన్లు లేని ఇల్లు ఉండదనడంలో అతిశయోక్తి లేదు. టెక్నాలజీ ఎంత పెరిగిపోతోందో అదే రీతిలో మోసాలు కూడా పెరుగుతున్నాయి. ముఖ్యంగా ప్రైవసీకి భంగం వాటిల్లుతుంది. ఇక నెట్టింట్లో వినియోగదారుల గోప్యత, రక్షణ గురించి.. వారిని అప్రమత్తం చేసేందుకు గూగుల్ సరికొత్త ఫీచర్ ఒకటి ప్రవేశపెట్టింది. దీంతో యూజర్ తన సమ్మతి లేకుండా కూడా ఆన్లైన్లో పోగుపడిన వ్యక్తిగత వివరాల్ని ఈజీగా తొలగించొచ్చు. ప్రస్తుతానికి మాత్రం ఈ సౌలభ్యం అమెరికా వాసులకు మాత్రమే అందుబాటులో ఉంది. రానున్న రోజుల్లో ఈ ఫీచర్ అన్ని దేశాల్లోని పౌరులకు అందుబాటులోకి రానుంది.
ఇక గత సంవత్సరం సెప్టెంబర్లో గూగుల్.. రిజల్ట్ ఎబౌట్ యూ అనే డ్యాష్బోర్డ్ లాంఛ్ చేసింది. మొబైల్, వెబ్సైట్స్ల్లో ఆ ఫీచర్ ప్రత్యక్షమైంది. ఇప్పుడు అదే డ్యాష్బోర్డ్ను మరింత అధునాతనంగా తీర్చిదిద్దింది. రిజల్ట్ ఎబౌట్ యూ లో యూజర్స్ పర్సనల్ ఇన్ఫర్మేషన్ ఎక్కడైనా ఉందా అని తెలుసుకునేందుకు సంబంధిత వివరాల్ని సమర్పిస్తే అవి ఏయే వెబ్సైట్లలో ఉన్నాయోనని ఇట్టే తెలిసిపోతుంది. ఆ వెబ్పేజీల్ని సమీక్షించి.. దాంట్లోని రహస్య సమాచారాన్ని తొలగించాలని మనం రిక్వెస్ట్ చేసేందుకు వీలుంటుంది.
అప్పటి ఫీచర్లో వినియోగదారులు.. చాలా శ్రమించి వారి సమాచారం వెతుక్కోవాల్సి వచ్చేది. సీక్రెట్ ఇన్ఫర్మేషన్ తొలగింపు రిక్వెస్ట్ను మాన్యువల్గా పూర్తి చేయాల్సి వచ్చేది. అయితే ఇప్పుడు తీసుకొచ్చిన కొత్త ఫీచర్తో ఆన్లైన్లో ఎక్కడ అయినా యూజర్స్ అడ్రస్, ఫోన్ నంబర్, ఇ-మెయిల్ వంటి డీటెయిల్స్ కనిపించగానే.. గూగుల్ అలర్ట్ చేస్తుంది. కొన్ని ట్యాప్స్తోనే అక్కడ మనకు కనిపించిన సమాచారం తొలగింపుపై నిర్ణయం తీసుకోవచ్చు. ఈ ఫీచర్ మనకు పుష్ నోటిఫికేషన్ కూడా పంపిస్తుంది.
అయితే ఇక్కడే యూజర్ల ఆందోళన ఏంటంటే.. తమకు అవసరమైన చోట కూడా సమాచారం తొలగిపోతుందని భయపడుతున్నారు. అందుకే గూగుల్ ప్రతి ఒక్కరి అభ్యర్థన గురించి వివరంగా వెల్లడిస్తోంది. పెండింగ్, అప్రూవ్, డిసైడ్, అన్ డన్ వంటి ఐచ్ఛికాలతో ఆ వివరాలు మనం ఎప్పటికప్పుడు తెలుసుకోవచ్చు.
మామూలుగా కొందరు నెటిజన్ల ప్రమేయం, అనుమతి లేకుండానే వారి అసలు పేరు, అడ్రస్, మొబైల్ నంబర్, ఫైనాన్షియల్ స్టేటస్, పర్సనల్ ఇన్ఫర్మేషన్ ఇలా ఆన్లైన్లోకి వెళ్తుంటుంది. దీనిని డాక్సింగ్ అంటుంటారు. ఇలాంటివి ఎదుర్కొనే వారికి కొత్త ఫీచర్ ఉపయోగకరంగా ఉంటుందని చెప్పొచ్చు.