Dosto jab koi blogger apna pahala blog banata hai to uski pahali choise hoti hai- Blogger.com. Iska main reason ye hai ki Blogspot pe blog banana ekdam free hai aur dusra starting me log blog banate samay paise kharch karna nahi chahte. Lekin staring karne ke liye Blogspot sabse badhiya madhyam hai. Blogspot ko khud Google manage karta hai aur bina kisi technical knowledge ke aap apna Blog bana sakte hai. Sabse bada fayda iska yhi h ki aapko kisi technical jankari ki jarurat nahi hai. Aaiye sikhte hain ki Blogspot pe apna blog free me kaise banaye-

1. Aapko kis kis chiz ki jarurat hai-
– Aapko ek Email id ki Jarurat hai
– Ek naam jisse aap Blog banana chahte hai
–  Bas baki kam blogger khud krega

2. Ab aap ek website open kriye- http://www.blogger.com/

3. Jab aap is website ko open kroge to niche picture jaisa aayega.
4. Ab aap apni email id daliye aur login kriye

5. Ab login krne ke bad- “Continue to Blogger”pe click kriye

6. Iske bas aap Blogger ke Dashboard me chale jayenge aur aapko kuch aisa dikhayi dega

7. Yaha per aapko “New Blog” per click krna hai

8. Iske bad aap “Create a new blog” option par chale jayenge.

9. Ab is form me aapko apne Blog ka “Title” Dalna hai and dusre Box me address means blog ka url jaise “xyz.blogspot.com” aur fir koi template jo aapko acche lage wo select kriye aur “Creat Blog” par click kriye

10. Good News- Aapka Blog ready hai. Blog ko dekhne ke liye “View Blog” per click kre

11. Chliye ab Blogger ke kuch options ko samajh lete hain jinse aap apne blog ko manage krenge. Dashboard me jane ke liye apne blog ke name par click kriye isse aap dashboard me chale jyenge aur kuch aisa dikhayi dega

12. Isme jo options h wha se aap apni site ko manage kar sakte hain aur nayi post likh sakte hain. Apni Template change krni hai to – “template” wale section me jaye aur koi bhi template select krke aap badal sakte hain

13. Agar aapko HTML and CSS ki kuch knowledge hai to aap ise apni marji se edit bhi kar sakte hai

14. New Post dalne ke liye aapko “New Post” option pe click krna hai

15. Ab aap apna content apne blog me post kar sakte hai. Appko screen par kuch aisa dikhayi dega-

16. Apna Blog ka title aur content dal kar aap apni post ko publish kr dijiye

17. Great!!! Aap apne blog par pahali post dal chuke hai

Friend, ye Blogger un logo ke liye hai jo ek free blog banana chahte hai aur abi Blogging ki jayada knowledge nahi hai aur sikhna chahte hain. Lekin agar aap ek professional blogger ki tarah kam krna chahte hai wo aapko Blogspot ki jagah “Wordpress” ko apnana chahiye. Vise jab hindisoch ki starting bhi Blogger se hi hui thi but jab traffic bada to wordpress pe shift kr diya gaya.

1. Aapko kis kis chiz ki jarurat hai-
– WordPress pe Blog banana ke liye aapko ek domain buy karna hoga
– Ek acchi si Website Hosting leni hogi
– Ek topic jispe aap blog banana chahte hai

2. Sabse phle aap Godaddy.com ya kisi other Domain service provider se ek domain khridna hoga. Koshish kre ki domain “.com” wala ho because isse aapko SEO me madad milegi. Domain ki cost 500-600 rs. Hoti hai vaise bhut sare offers bhi aate hai jha 99 rs ya 100 rs me domain mil jata hai. Aap iske liye internet per search kr sakte hai

3. Aapko ek Hosting ki jarurat padegi jha par aap apni website ko upload krenge. Hindisoch me Bigrock.com ki hosting use hoti hai, aap chahe to Bluehost ya Hostgator se “Shared Hosting” purchase kar sakte hain

4. Hosting aur Domain khridne ke bad aapko hosting ki tarf se cpanel milega jiski madad se aap wordpress install kr sakte hain. Vaise wordpress install krne ke aur bhi kai tarike hai lekin cpanel se sabse aasan hai

5. Aap apne cpanel ko login kriye. Isme niche ek wordpress ka option hai – uspe click kriye fir aapko kuch aisa dikhai dega

6. Aapko wordpress “Install” par click krna hai, fir aapko screen par aisa dikhayi dega jo niche pic me hai

7. Apna domain select kriye, aur “In direcotry” wale option ko black kr dijiye uske ander jo bhi likha h hta dijiye.

8. Ab aap apna username aur password select kriye aur niche “Install” per click kriye.

9. “Done” aapne wordpress install kar liya hai.

10. Login karne ke liye aap apne domain ke aage- /wp-login.php likhna hai- jaise www.hindisoch.com/wp-login.php

11. Iske bad aap apni site ko login kar sakte hai aur new post kr sakte hai

Friends yu to kafi tarike hai online income kamane ke but jo sabse Jyada popular hai wo hai- “Google Adsense”. Hindisoch ki 90% earning adsense se hi hai. Adsense ads use karne ke liye aapko adsense ke account ki jarurat padegi jiski kuch terms and conditions hai. Starting me aap apne blog ke traffic badhane par focus kariye. Jab aapka traffic 500 pageviews/day ho jaye aur aapke blog me atleast 30 acchi post ho tab aap google adsense ke liye apply kar sakte hai. Aaj kal google adsense turant activate bhi jo jata hai lekin ads display hone me kuch time lagta hai.

1. Aap adsense pe aaply kijiye

2. Apni site pe ads lagaiye, ek kam par dhyan de ki aap ek page pe keval 3 Banner Ads laga sakte hai aur 3 Link Ads laga sakte hai and 2 search box. Isse jyada lagane par google aapka adsense account band kr sakta hai

3. Ads aisi position par lagaiye jha pe jyada se jyada click ho sake aur kabi khud apni ads pe click mat kijiye

Aapne blog to bana liya lekin jab tak us blog par accha traffic nahi hoga aap acchi Income nahi kar payenge. Hindisoch ka sabse jyada traffic Google search se aata hai.

To ab aapko apni site par high traffic lana hai to aapko apne Blog ko google me rank karana hoga. Google me rank lane ka ek hi tarika hai- SEO

SEO(Search Engine Optimiztion)- Seo aisa process hai jise follow karke ham apni website ko teji se google me rank karate hai. Google me rank lane ke liye kuch chize jo jyada important hai wo ye hai-

1. Post Title
2. Post Description
3. Keyword Density
4. Content Duplicacy
5. Content Length
6. Image Alt Tag
7. Heading Tags
8. Never Spam

Iske alava bi bhut sare factor hai but starting me aapko yhi sikhna jaruri hai.

Post Title- Aapki Post ke title ki length 70 character se jyada nahi hona chahiye. Google har website ka keval 70 character hi read karta hai agar aap isse jyada title dalenge to google use ignore kar dega aur read nahi karega. To koshish kriye aapka title meaningful aur 70 character me hi rahe.

Iske alawa aapko apne Title me apna keyword cover krna hai. Example- Maan lijiye Hindisoch ko “Motivational Stories in Hindi” is keyword se rank karana hai to aapko apni post ke title me ye keyword dalna hoga. Means agar aapko “Motivational Stories in Hindi” se apne blog ko rank karana hai to aapka title kuch aisa hona chahiye- Best Motivational Stories in Hindi that can Change Your Life

Title me keyword dalne se Google aapki site ko jyada prefer karta hai.

Post Description- Description ke madhyam se ham google ko batate hai ki hamari post kis bare me hai. Ham apne content me kya likh rhe hai uski summury ko ham apne post description me likhte hai. Dhyan rhe description ki length 160 character se jyada nahi honi chahiye agar isse jyada hogi to Google description ko ignore kr dega aur read nahi krega.

Koshish kriye ki aap jis keyword se rank lana chahte hai wo keyword aapke description me bhi aa jaye. Aagr keyword description aur title dono me find ho to rank aane ke jyada chance ho jate hai.

Keyword Density- Keyword Density = (how many times you repeated a specific keyword / total words in the analyzed text) x 100
Sidhe words me kahe to- aap kitni bar keyword ko apne article me use krte hai use keyword density kahte hai. Google ke anusar keyword density 5% se jyada nahi honi chiye

Content Duplicacy – Agar aap kisi dusri website se content copy karke apni site me dalenge to Google use duplicate content manega aur aapki website ko rank hone me problem aayegi. Koshish kijiye aapka content fresh ho, Agar aapka content 30% se jyada duplicate mila to ye aapki site ke liye harmful hai. Google aapki website ko spam bhi kar sakta hai. Content duplicacy check krne ke liye aap- http://www.copyscape.com/ ka use kr sakte hai

Content Length- Jitna ho sake aap apni post ko lengthy banaiye. Jo post jyada lambi hoti hai unki rank karne ki sambhvna jyada hoti hai. Vaise ye jaruri bi nahi h ki aap post ko lambi hi rakhe. Agar aapki post me ek achhi information hai to short length article bi acche rank krte hai

Image Alt Tag- Aap apni story me jo image lagate hai usme ALT Tag ka use jarur kriye isse Google samajh jata hai ki ye Image kis chiz ki hai. Bina alt tag ke google ko Image ko read krne me problem hoti hai.

Heading Tag- HTML me 6 heading tag hote hai- H1 H2 H3 H4 H5 H6. SEO me bi heading tag ki bhut importance hai. Aap apni post me ek H1 jarur use kijiye aur us H1 heading me apne keyword ko cover kijiye jaise hamne title me kiya tha. Jab Google ko aapka keyword title, description aur heading me milega to aapki rank high hone ke chance bad jayenge.

Never Spam- Kuch log teji se google me rank ke liye apne article ke title, description, heading fir content me jyada se jyada keyword lagane ki koshish krte hai. But aapki ye koshish over optimization me aa sakti hai. Agar aap apne article me bar bar keyword repeat krenge to Google use spam ki category me rakhega.

Social Media- SEO se Google me rank aane me 3 se 6 month tak lag jate hai. High traffic Blog banane me aapko bhut samay lagega. Hindisoch ko 50k+ traffic lane me 2year ka time laga hai, ho sakta hai ki aap jaldi le aaye but aapko thoda time to lagega hi. Social media, mostly- Facebook and Google+ aisa jariya hai jisse aap teji se apni website ka traffic bada sakte hai.

Google+ par aap kuch acchi community join kariye aur apne followers badhiye. Jitne jyada aapke follower honge utna jyada traffic aane ka chance hoga. So increase your follower and regular post dalte rhiye

Facebook sabse bada social network hai, aap fb pe acche acche group join kijiye wha apni site ka link publish kijiye. Facebook par page banaiye aur uspe like increase kriye, jitney jyada likes honge utna jyada traffic aayega.