दिवाळीसाठी गोड शंकरपाळे

• १/२ किलो मैदा 
• १ कप तूप 
• १/४ किलो पिठीसाखर 
• वेलची पूड 
• मीठ, चवीनुसार 
• दुध
• पाणी 
• तेल/तूप तळण्यासाठी 

कृती : 
१. कढईत तूप गरम करत ठेवा.
२. एका भांड्यात मैदा, गरम तूप, पिठीसाखर, मीठ आणि वेलची पूड घालून नीट एकजीव करा.
३. मिश्रणात लागेल तसे दुध आणि पाणी घालून मळून घ्या.
४. मळलेले पीठ १ - २ तास मुरण्यासाठी झाकून ठेवून द्या.
५. पोळपाटावर पोळी लाटून चीरणीने चौकोनी आकारात कापून घ्या.
६. कढईत तेल/तूप गरम करत ठेवा.  त्यात कापलेले शंकरपाळी टाकून सोनेरी रंगांचे होईपर्यंत तळून घ्या.
७. तयार शंकरपाळी हवाबंद डब्यात ठेवून दिवाळीत खायला द्या.