Uski khabar ai bhi tou kia ai"

Jo bhi tha jaisy bhi tha usssy jaana tha q k aik yahi umeed thi jahan sy Zarri ki khabar mil skti thi.. Restaurant k darwazy sy dakhil hoty huye wo soch hi Raha Tha k wo usski saheli ko kese pehchany ga, go k ussny usy bta diya tha k wo safaid dupatty me hai.. lakin wahan tou bht si larkiyan safaid dupatta orrhy huye thi.. 

Usny mobile nikaala hi tha k call any lagi.. ussi number sy.. uss ny sar utha kr daikha aur call receive krli.. "Corner wali table par ajayen" uss lrki ny receive hoty hi bss itna sa kaha.. 

woh seedha ussi rukh me chala gaya jahan ussy bulaya gaya tha..

"assalam o alaikum".. halki si Muskurahat k saath ussny kaha aur beth gaya..  

"walaikum aasalam, mery pas waqt bht kam hai aur mujhy ap sy bht zarroori baat krni hai, ye tou ap janty hain k me Zarish ki dost hu, pichly dinon me shumali ilaqa jaat gai hui thi aur meri Zarri sy koi mulaquat nahin hoski aur baat bhi nahin q k usska number nahin lg raha tha.. do din pehly meri wapsi hui tab bhi uska number band Jaa Raha Tha, jab kuch na bann parha tou phir me uss k ghar chali gai" billa tamheed k uss ny kehna shuru kiya aur saans leny ko rukki..

Saarim hairait aur tawajuh sy ussy sun'ny lga..

"meri pehli mulaqat usski walda sy hui".. " assalam o alaikum aunti kesi hain ap? "me theek hu beta. Ap kahan gayab ho aj kal" Hadiya k sar par hath phairty huye unhon ny pucha. "dar-asal hum naraan gaye huye thy kal hi wapsi hui hai. Zarri ka number band jaa raha tha mene socha k me mil au".. Hadiya ny wazahat daity huye kaha..

"hmm.. apny kamry me hai wo" ye kehty hi woh bahar ko barrhi aur Hadiya Zarish k kamray ki taraf..

"hadd hogai hai me aik pal bhi enjoy nahin kr ski aur janti ho q?? tumhari wjah sy.. tmhara last message aur phr tmhara musalal band number" Hadiya hath kamar par bandhay  kamray k darmiyan me kharri hogai, usski awaaz sunty hi Zarish jo khirrki ki taraf murr k kharri thi bhagti hui aai aur Hadiya k galy lag kar rony lagi.

"arey arey meri jaan kia hua?" Hadiya hqa-bqa uss sy Puch rahi thi aur uss k rony ki shiddat me mazeed izafa horaha tha, Hadiya ny ussy rony diya..

kuch dair baad uss ny Zarish ko bed pr bithaya aur paani pilaa kar pucha " Zari! Kia hogya hai aisa jo tum itni bikhri hui lag rahi ho?"

"Hadiya, baba aur Bhaiya ny mera rishta tehh krdiya hai aur mujhy meri zindagi k iss eham faisly me bolny ka koi haq nahin diya, jb mene unhy Saarim k baary me btany ki koshish ki tou unhon ny mujh sy mobile phone bhi ly liya aur mery ghar sy nikalny Pr bhi Pabandi laga di".. ye kehty hi wo dobara rony lgi.

"Kiya? Aisa kaisy mumkin hai? Aisy nahin hoskta uncle aisa kaisy kar skty hain? Aur bhai tou tum sy bht pyaar karty hain?"

"Lekin, Jo bhi hai unhon ny aisa kar diya hai, mera Saarim sy koi rabta nahin hai 2 hafton sy.. wo bht pareshan hoga?" suno, Hadiya Please tum Saarim sy milo aur ussy sab btao aur us sy kaho, kuch kary me, me ussky elawa kisi ka soch bhi nahin skti please Hadiya"  Zari, Hadiya k haath pkrr kr usski minnaten karny lgi…

"Ok, ok tum mat ro me kuch krti hu. Mujhy tum Saarim ka number do.. mujhy ye tou btao tumhara rishta inhon ny kis k saath tehh kiya hai?" Hadiya ny Fikarmandi sy pucha.

"Baba ki aik cousin abroad hoti hain un k bety k saath, woh agly hafty Pakistan aa rahy hain Nikah k liye" Zarish ny roty huye btaya.

Ab Hadiya yeh sb Saarim ko bta rahi thi, jissy sunty hi ussky hawas gum aur zuban gangh reh gai thi.. kuch dair baad wo sanbhalty huye bola " ap Zarish ko jaa kr smjhayen aur koshish kr k mujh sy milwayen"

Restaurant sy ghar aany tak wo faisla kar chukka tha k Zarish k milny par usny kia karna hai!

Wo kia Karny wala tha??

Aik Dukh jo kisi ko tou sehna tha!

Zarish ya Saarim? Ya teeno khandan?