ஏறிய மஞ்ஞம் எழிலுடை வடிவும்

மாறிலா நெஞ்சும் மகிழ்வுர வருக. 1.

காரிருள் மேனிக் கரிமுகன் இளையோய்

ஆரிருள் தாளா அடியவர்க் கருளாய்

போரிருள் தாக்கிப் பொசுக்கிடுஞ் சுடரே

பேரிடர் நீக்க பெருங்குகன் வருக 2

யாரிடம் போவோம் யதுகுல பெருமாள்

ஓரிடம் தோற்ற ஒருசுடர் எடுத்து

வேரிடம் வைக்க வெளிபடு குமரா

ஊரிடம் போற்றும் உமைகுகா வருக 3

சேரிடம் தேர்ந்து சரிவரக் குவிந்தோம்

ஈரிடம் போகா இறைநிலை தருவாய்

சீரிடம் தேடி சிவநிலை அடைய

சேரிடம் நீயே சிவகுகா வருக 4

தீயொடு காற்றும் திருந்திய நீரும்

வீயொடு மண்ணும் விரும்பியே தாங்க

வேயொடு தோன்றி விளைநிலம் கண்டாய்

சேயொரு ஆறாய் சிசுவென வருக 5

ஆறிரு கரமும் அத்தனை விழியும்

கூறிடு வேலும் குக்குட கொடியும்

நீறிடு நெற்றி நிர்மல வடிவும்

ஏறிடு மஞ்ஞம் என்றுநீ வருக 6

இயம்பிய வாயில் இதந்தரு இசையும்

நயம்படு நாவில் நவிழ்ந்திடும் அழகும்

புயம்படு வீரம் புகழ்தரக் களிப்பின்

அயம்படு புவியில் அமைதலும் நலமே 7

எழுதிய கவியில் எழுகிற சுவையில்

வழுவிலா நிலையில் வளர்ந்திடு முருகா

பழுதென கிடக்கும் பழம்பொதி மனத்தை

உழுதுன தெனவே உருசெய வருக 8

இருநிலத் தெனையே இடர்வரு முன்னே

பருப்பதம் கொடுத்தே பதஞ்செயல் வேண்டும்

கருமுதல் எனக்கும் கடைதுணை நீயே

உருவென உடனே கடனென வருக 9

செருக்களம் அதிலே செருக்கினை அழித்த

குருகுகன் உனையே குவியத்தில் நினைத்தேன்

அருளுடை இறைவா அரிஅரண் தலைவா

பொருளுடை புவியில் புகழ்பட வருக. 10