Suno Suicide isn’t the last option…

Aaj jo khatam kar loge khudko,
Toh aage jo tumhare saath achha hone wala hai,
Usse kaise dekh paoge,
Ye batao apni soul ka samna kaise kar paoge…?

Suicide koi option Nahi hai,
Ya yun kahun toh ye option me hi nahi aata,

Suicide word hi tumhare life me nahi hona chahiye,
Aaj jo struggle kar rahe ho kal iski kamyaabi ka sukoon milega…

Jo tumhara Dil chahata hai,
Woh tumhe zarur milega,
Sapne tumhare pure zarur honge,
Haalat tumhare bhi ek din badlenge…

Photo by Nothing Ahead:

Har kuch same nahi rehta,
Aur na hi hamare problems bhi,
Yun kahun toh problems kabhi khatam nahi honge,
Toh kyun na unhe enjoy karke solve kare…?

Koi saath hai ya nahi,
Tum aaine me toh zara dekho,
Tumhara sabse bada saathi,
Tum khud ho mere Dost…

Suicide ka khayal bhi kabhi apne Dil me naa aane dena,
Agar lage bus sab khatam karna hai,
Toh mujhse baatein kar lena,
Tumhe zindagi ki ek nayi shuruwat mil jayegi iska yakeen dila sakhta hoon…

Tum thak gaye ho bebas ho,
Sab kuch koshish kar li,
Par kuch naseeb nahi hua,
Toh thoda ruk jao…

Chill karo thoda…
Apni problems ko waiting list me add kar do,
Taki unhe appointment lena pade tumse milne ke liye,
Khudko thoda waqt do sambhal jaane ke liye…

Suno abhi smile nahi hai chehere par,
Toh lao Yaar kisne roka hai,
Tumhari muskurahat hi toh,
Tumhari sabse badi taakat hai…

Chalo ab thoda tension free ho jao,
Bore toh nahi ho gaye meri badbad se…?
Thoda relax karo gaane suno,
Ab meri badbad se gaane tumhe shayad jyada achhe lage…

Hehe dekho kitni pyaari smile aayi hai tumhare chehere par,
Isse aise hi banaye rakhna khush raho,
Sab jaldi hi thik hojayega…

Aaj dard kaafi hai,
Toh kal sukoon bhi milega,
Koshish karte rehna tum,
Khudko kabhi mat khona tum…

Tum koshish karte rehna,
Umeed ko kabhi tum tutne na dena,
Aaj dukhon ka andhera hai toh kya hua,
Kal khushiyon ka savera bhi toh zarur hoga…

Written by Aamina Khan

The post Suicide Isn’t The Last Option appeared first on Heartsaysalot.