Nyebbit reggi'na ebagi ka koceng Pola Karaddu ka alla

Ngampet kento' polana badha elongnga oreng tako' marengges Pola Karaddu ka alla

Asalam ka se ta' etangale e lan-jalan ban e barung le' pendha mesem pola karaddu ka alla

Ngirem sasorad dha' bangaseppo le paddhang romana pola karaddu ka alla

Makaadha' mesem tembang marongo'e oreng mi' ami' daddi jembarra pola karaddu ka alla

Ta' ageppa' rengngi' le ondur dibi' mon kennyang pola karaddu ka alla

Serep jeppen arassae ke' gigi pola karaddu ka alla

Nyabbari kabadha'an napet dhadha 

pola karaddu ka alla

Nyokkore kulli hal gabay tandha papasran pola karaddu ka alla

Ngombi' tengka re-asare sabellunna meddem pola karaddu ka alla

Agaja' ban jatem mabunga atena pola karaddu ka alla

Ngedhingagi bato tong-bitongan pola karaddu ka alla

Mabannya' diem arassa'agi guli enneng pola karaddu ka alla

Ngenom ta' nyergu' ngalang taserna' pola karaddu ka alla

Magasek abacco le berse pola karaddu ka alla

Mabajeng ngeco' ebakto bannya' reng tedhung pola karaddu ka alla

Kalowar maso' metong nyaba pola karaddu ka alla

Ngendhep lebat e kaju raja pola karaddu ka alla

Nengerre jalan entar mole tako' posang pola karaddu ka alla

Ta' ara'-reo' ngormadi aeng pola karaddu ka alla

Manondhu' ate mandeng bumi pola karaddu ka alla

Ngosap roba jaga tedhung pola karaddu ka alla

Matombu niyat sabelunna soko atengka' pola karaddu ka alla

Nyabis macomil agantong bengkol pola karaddu ka alla

Areng-reng tek-ngetek ta' ekaedhing pola karaddu ka alla

Mapantes aba' epangabasan pola karaddu ka alla

Akalambi anyar arabuwi teddha'an 

pola karaddu ka alla

Aratowagi tamoy pola karaddu ka alla

East, 24 12 22