پاکستان شوبز انڈسٹری سے وابستہ سینیئر اداکارہ بشریٰ انصاری نے شہر بھر میں سرگرم بھکاری مافیا اور جگہ جگہ لگے کچرے کے ڈھیر سے جان چھڑوانے کا بہترین طریقہ بتا دیا۔
Related Articles
حال ہی میں اداکارہ نے فوٹو اینڈ ویڈیو شیئرنگ پلیٹ فارم انسٹاگرام پر پوسٹ شیئر کرتے ہوئے حکومت وقت کو اہم مشورہ دے کر ایک تیر سے دو شکار کرنے کا ہنر سکھا دیا۔
اداکارہ نے بیک وقت بھکاری مافیا کو رزق حلال پر لگانے اور شہر بھر میں جگہ جگہ جمع ہونے والے کچرے کے ڈھیر کا بھی منفرد حل ڈھونڈ نکالا۔
بشریٰ انصاری نے اپنی انسٹا پوسٹ میں لکھا کہ میونسپل کمیٹی کو اختیار دیا جائے، جہاں بھی بھکاری نظر آئے اس کو شہر کی صفائی پر لگا کر ان کو اجرت دی جائے، شہری بھکاریوں کو بھیک کی جگہ جھاڑو لے کر دیں۔
اداکارہ کی مذکورہ انسٹا پوسٹ سوشل میڈیا پر وائرل ہوئی تو بیشتر صارفین نے ان کے مشورے کی تعریف کی اور رائے سے اتفاق کیا۔ صارفین نے خواہش کا اظہار کیا کہ اس مشورے کو واقعی حقیقت کا رنگ دینے کی اشد ضرورت ہے۔
ایک صارف نے اس حوالے سے اپنا تجربہ شیئر کرتے ہوئے لکھا کہ کئی بار بھیک مانگنے والوں سے کہا کہ انہیں کام دلوا دیتے ہیں تو انہوں نے یہ کہتے ہوئے انکار کردیا کہ جب کام کئے بغیر پیسے مل جاتے ہیں تو کام کی کیا ضرورت ہے؟
The post بھکاری مافیا اور کچرے کے ڈھیر سے جان کیسے چھڑائیں؟ بشریٰ انصاری نے بتا دیا appeared first on News 360.