فلم”جاوید اقبال: دی ان ٹولڈ اسٹوری آف اے سیریل کلر“ کے ہدایت کارابوعلیحہ متعدد رکاوٹوں اور تاخیر کا سامنا کرنے کے بعد اب بھی اپنی فلم کو بڑے پردے پر لانے کے لیے پرعزم ہیں۔

ابو علیحہ نے فلم میں ترامیم کے ساتھ ساتھ اس کا نام بھی بدل”ککڑی“رکھ دیا ہے اور منظوری کیلیے فلم کو دوبارہ سنسر بورڈ میں جمع کرانے کا ارادہ رکھتے ہیں۔

یہ بھی پڑھیے

جاوید اقبال نے پابندی کے باوجود کامیابی کے جھنڈے گاڑھ دیے

فلم جاوید اقبال برلن فلم فیسٹیول کیلیے بھی منتخب

ابوعلیحہ کے مطابق فلم  کا نیا نام  مرکزی کردارجاوید اقبال کے بیٹھنے کے انداز کی وجہ سے  پڑنے والی ان کی  عرفیت پر مبنی ہے۔سنسر بورڈ سے منظوری کی صورت میں فلم کو عیدالفطر اور عیدالاضحیٰ کے درمیان ریلیز کیا جائے گا۔

Director Abu Aleeha has made cuts to the film and changed its name to Kukri, and plans to resubmit it for approval by the censor board, he told The Express Tribune.https://t.co/FV1a7BmV09 pic.twitter.com/LxG1DbPkPl

— Abu Aleeha (@abualeeha) March 27, 2023

 ابتدائی طور پر فلم کو  اکتوبر 2021 میں ریلیز کیا جانا تھا تاہم   سنسر شپ کے مسائل کی وجہ سے فلم کے پریمیئر کو دسمبر تک موخر کردیاگیا۔ جنوری 2022 کراچی  میں پریمیئر ہونے کے باوجود  پنجاب حکومت نے  فلم کی نمائش پر پابندی عائد کردی۔

ککری ایک سیریل کلر جاوید اقبال کی سچی کہانی پر مبنی ہے جس نے 1999 میں لاہور میں 100 بچوں کو قتل کرنے کا اعتراف کیا تھا۔ فلم کا اسکرین پلے ابو علیحہ نے لکھا تھااور اسے جاوید احمد کاکی پوٹو نے پروڈیوس کیا ہے۔

بڑی اسکرین تک اپنے سفر میں درپیش چیلنجوں کے باوجود فلم کا پہلے ہی برطانیہ کے ایک فلمی میلے میں ورلڈ پریمیئر ہو چکا ہے اور اسے برلن انٹرنیشنل آرٹ فلم فیسٹیول کے لیے منتخب کیا گیا ہے۔فلم کے ایک سیکوئل  کی عکس بندی بھی جاری ہے جسے رواں موسم گرما میں نمائش کیلیے پیش کیے جانے کا منصوبہ ہے۔

The post ابوعلیحہ نے فلم جاوید اقبال نئے نام سے ریلیز کرنے کیلیے کمر باندھ لی appeared first on News 360.