وفاقی وزیرخزانہ اسحٰق ڈار نے پاناما لیکس کو ڈرامہ قرار دیدیا تاہم 2019  میں پاناما لیکس کے موضوع پر بننے والی نیٹ فلکس  کی کامیڈی ڈرامہ فلم” دی لانڈرومیٹ “میں  شریف خاندان کی بدعنوانی کا تذکرہ کیاگیا ہے۔

اس فلم میں میرل اسٹریپ اور گیری اولڈ مین جیسے بڑے امریکی اداکاروں نے اپنے فن کا مظاہرہ کیا ہے۔  اس فلم میں  پاناما سٹی کی  لا فرم موزیک فونسیکا  کی جانب سے  دنیا کے امیر ترین شہریوں کی بے حساب دولت کمانے میں مدد  کرنے کے طریقہ  کا احاطہ کیا گیا ہے۔

یہ بھی پڑھیے

اسحاق ڈار کی مستقل ضمانت منظور ، ایک اور بڑا ریلیف مل گیا

موڈیز نے پاکستان کے بیرونی قرض کی شرح بندی مزید گرادی

وزیر خزانہ اسحاق ڈار نےآج عدالت میں پیشی کے بعد میڈیا سے گفتگو کرتے ہوئےسابقہ حکومت میں چلائی گئی احتساب کی مہم  کے نقصانات کا ذکر کرتے ہوئے پاناما لیکس کو نوازشریف کو  ہٹانے کاڈرامہ قرار دے دیا ۔

اسحاق ڈار کے دعوے کے برعکس فلم لانڈرومیٹ میں پاناما پیپرز پر تفصیل سے روشنی ڈالی گئی ہے۔فلم می دکھایا گیا ہے کہ” ایلن مارٹن )میرل اسٹریپ)  کی  چھٹیاں  ایک ناقابل فہم موڑ لیتی  ہیں اور وہ ایک جعلی انشورنس پالیسی کی چھان بین شروع کر دیتی ہے، وہ پاناما سٹی کی ایک قانونی فرم کی مشکوک لین دین  کا کھوج لگانے  کے چکر میں مشکل سے دوچار ہوجاتی ہے۔دنیا کے امیر ترین شہریوں کی بڑی دولت کمانے میں اس قانونی فرم  کا ذاتی مفادشامل ہوتا  ہے“۔

فلم کی کہانی مزید بتاتی ہے کہ”قانونی فرم کا بانی شراکت دار جرگن موساک(گیری اولڈ مین) اوررامون فونسیکا(انٹونیو بنڈراس) شیل کمپنیوں اور آف شور اکاؤنٹس کے ذریعے دنیا کے امیر اور طاقتور لوگوں کی خوشحالی میں مدد کرنے والے گمراہ کن طریقوں کے ماہر ہیں۔ وہ ہمیں یہ دکھانے والے ہیں کہ ایلن کی پریشانی صرف ٹیکس چوری، رشوت خوری اور دیگر غیر قانونی مضحکہ خیزیوں کی طرف اشارہ کرتی ہے جس میں انتہائی دولت مند دنیا کے کرپٹ مالیاتی نظام کی حمایت کرتے ہیں۔فلم میں دکھایا گیا ہے کہ ایلن کو پریشانی ہے کہ  انتہائی امیر افراد ٹیکس چوری، رشوت خوری اور دیگر غیر قانونی مضحکہ خیزیوں کے ذریعے کس طرح دنیا کے بدعنوان مالیاتی نظام کی حمایت کررہے ہیں“۔

آئی ایم ڈی بی پر فلم دی لانڈرومیٹ کی کہانی سے متعلق مزید کہا گیا ہے کہ  2016 کے پاناما پیپرز کی اشاعت کے ذریعے صحافیوں نے  چین، میکسیکو، افریقہ (بذریعہ لاس اینجلس) اور کیریبین سے خفیہ طور پرحاصل کردہ موسیک فونسیکا کی دستاویزات کو لیک کیا تھا۔  لانڈرومیٹ کی   کاسٹ میں جیفری رائٹ، میلیسا راؤچ، جیف مائیکلسکی، جین مورس، رابرٹ پیٹرک، ڈیوڈ شوئمر، کرسٹیلا الونزو، لیری کلارک، ول فورٹ، کرس پارنیل، نونسو انوزی، لیری ولمور، جیسیکا ایلین اور نیکی اموکابرڈ، میتھیاس شوئنرٹس، روزالنڈ چاؤ،کُنجیو لی، منگ لو،جیمز رکروم ویل اور شیرون اسٹون   شامل ہیں۔

اس فلم  میں سابق وزیراعظم نواز شریف سمیت حکمران شریف خاندان کی بدعنوانیوں کا بھی ذکر کیا گیا۔کئی ناقدین نے دنیا کے امیر ترین شہریوں کے بدعنوان طریقوں کا پتہ لگانے کے لیے لوگوں کو فلم دیکھنے کا مشورہ دیا۔

Highly Recommend ‘The Laundromat’ – a movie about the Panama Papers, which exposed Mossack Fonseca &Co, the Panamanian law firm & corporate service provider (money launderers) to drug lords, SubSaharan dictators, all manner of criminals, and ‘saviours of democracy’ Sharif family

— Javed Hassan (@javedhassan) July 29, 2021

ایک کالم نگار اور بینکر جاوید حسن نے ٹویٹر پر لکھاکہ”دی لانڈرومیٹ کو تجویز  کرتا ہوں، یہ پاناما پیپرزسے متعلق ایک فلم ہے جس نے موسیک فونسیکا اینڈ کمپنی کو بے نقاب کیا ہے جو پاناما کی ایک کمپنی(منی لانڈرر ) ہے جوڈرگ لارڈز،افریقی آمروں،ہر طرح کے جرائم پیشہ افراد اور جمہوریت کی محافظ”شریف فیملی “ کو قانونی  اور کاروباری خدمات فراہم کرتی ہے“۔

I just watched #laundromat. Brilliant Movie and explains well about the great Panama scandal. Oh! Nawaz Sharif’s name was mentioned in the movie as well.

— O (@ozairhaq) November 2, 2019

The Laundromat, the movie

Finally a film on Panama papers

And yes it’s there, only if it’s barely a 5 second scene…

"We just got in this breaking news from Pakistan. It’s an ongoing story. Nawaz Sharif the prime Minister has resigned” pic.twitter.com/Y7dq0WbGmv

— Omar (@Nostalgic_Grip) November 19, 2021

If you want to know how sharif family and others named in panama papers laundered money, just watch ‘The Laundromat’. They explained it so well and yes our former PM Nawaz Sharif is also in the movie. Another proud moment for the country.

— Ruja Shaukat (@ruja_shaukat) November 6, 2019

 ایک اور ٹوئٹر صارف کا کہنا تھا کہ”اگر آپ یہ جاننا چاہتے ہیں کہ شریف خاندان اور پاناما پیپرز میں شامل دیگر افراد نے منی لانڈرنگ کیسے کی، تو صرف ’دی لانڈرومیٹ‘ دیکھیں۔ انہوں نے اس کی بہت اچھی وضاحت کی اور ہاں ہمارے سابق وزیر اعظم نواز شریف بھی فلم میں ہیں۔ ملک کے لیے ایک اور قابل فخر لمحہ۔ اور اگر آپ سوچ رہے ہیں کہ موجودہ (پی ٹی آئی کی )حکومت لانڈر شدہ پیسہ واپس لا سکتی ہے تو افسوس کی بات ہے کہ وہ ایسا نہیں کر سکتے۔ صرف پانامہ پیپرز گوگل کریں اور پاکستان سے درج لوگوں کی فہرست دیکھیں، سیاست، میڈیا اور کاروباری برادری سے تعلق رکھنے والے افراد کے نام دیکھ کر آپ چونک جائیں گے“۔

The post ”ڈار صاحب! پاناما ڈرامہ نہیں تھا، یقین نہیں تو فلم دی لانڈرومیٹ دیکھ لیں“ appeared first on News 360.