سابق امریکی سیکرٹری خارجہ ہلیری کلنٹن نے فن لینڈ کی وزیراعظم سنامارین کی حمایت میں آگے آگئیں۔ فن لینڈ کی وزیراعظم مارین حال ہی میں اس وقت تنقید کی زد میں آگئیں جب ان کی دوستوں کے ایک گروپ کے ساتھ ڈانس پارٹی کرنے کی تصاویر اور ویڈیوز سوشل میڈیا پر شیئر کی گئیں۔

ہلیری کلنٹن نے فن لینڈ کی وزیراعظم مارین سے اظہار یکجہتی کرتے ہوئے ان کی حمایت میں مائیکرو بلاگنگ سائٹ ٹوئٹر پرایک تصویر شیئر کی ۔ امریکہ کی سابق صدارتی امیدوار نے اتوار کو ایک ٹویٹ میں انہیں ٹیگ کیا جس میں ایک پرہجوم کلب میں اپنی تصویر کے ساتھ کیپشن ہے، "رقص کرتی رہیں”۔

یہ بھی پڑھیے

فن لینڈ کی وزیراعظم کو ڈانس وڈیو وائرل ہونے پر تنقید کاسامنا

ہیلری کلنٹن نے ٹوئٹر پوسٹ میں فن لینڈ کی وزیراعظم سنا مارین کو ٹیگ کرتے ہوئے اپنی ایک تصویر شیئر کی  جس میں وہ 2012 میں کولمبیا ایک کلب میں ڈانس پارٹی کررہی ہیں جبکہ وہ اس وقت امریکی سیکریٹری آف اسٹیٹ تھیں۔

As Ann Richards said, "Ginger Rogers did everything that Fred Astaire did. She just did it backwards and in high heels."

Here's me in Cartagena while I was there for a meeting as Secretary of State.

Keep dancing, @marinsanna. pic.twitter.com/btAtUFOcNV

— Hillary Clinton (@HillaryClinton) August 28, 2022

سابق امریکی صدارتی امیدوار ہیلری کی پوسٹ پر فن لینڈ کی وزیراعظم سنا مارین نے فوری ردعمل دیتے ہوئے ان کا شکریہ ادا کیا اور لال دل کا ایموجی بھی شیئر کیا۔

Thank you @HillaryClinton https://t.co/8XU9RKUlas

— Sanna Marin (@MarinSanna) August 28, 2022

یاد رہے کہ گزشتہ ہفتے فن لینڈ کی 36 سالہ خاتون وزیراعظم کو اپنی رہائش گاہ پر پارٹی کرنے کی ویڈیو منظرعام پرآنے کے بعد شدید تنقید کا سامنا تھا۔فن لینڈ کے میڈیا میں زیر گردش تصویر میں 2 خواتین کو بوسہ کرتے ہوئے دکھایا گیا ہے ۔

سنا مارین نے تصدیق کی کہ یہ تصویر کیسرانٹا میں واقع ان کی سرکاری رہائش گاہ پر لی گئی تھی جبکہ وہ 8 سے 10 جولائی تک منعقد ہونے والے میوزک فیسٹیول میں شریک تھیں۔

فن لینڈ کی وزیر اعظم  سنا مارین نے میڈیا سے گفتگو میں  کہا تھا کہ ذاتی طور پر متفق ہوں کہ تصویر مناسب نہیں تھی ،اس پر قوم سے معذرت کرنا چاہتی ہوں ۔

The post رقص کرتی رہیں، ہلیری کلنٹن فن لینڈ کی وزیراعظم  کی حمایت میں آگے آگئیں appeared first on News 360.