تہران:ایرانی حملے میں اسرائیلی ایئربیس پر موجود طیاروں کو بھی نقصان پہنچا-

باغی ٹی وی : ایران کے اسرائیل پر حملے میں اسرائیلی ایئربیس نیواتیم (Nevatim) پر پانچ میزائل لگے جس سے ایئربیس کے تین رن ویز اور دو طیاروں کو نقصان پہنچا۔ ڈیلی پاکستان گلوبل کے مطابق میڈیا رپورٹس میں بتایا جا رہا ہے کہ ایرانی میزائلوں سے اسرائیلی ایئربیس پر کھڑے ایک سی ون 30طیارے اور ایک ایف 35لڑاکا طیارے کو نقصان پہنچا۔

اسرائیل کی طرف سے گزشتہ روز اپنے فوجی اڈے کو پہنچنے والے نقصان کا اعتراف کرتے ہوئے نقصان کی تصاویر بھی جاری کی گئی ہیں،ایرانی حکام کے مطابق اسرائیل نے اسی ایئربیس سے شام کے دارالحکومت دمشق میں واقع ایرانی سفارتخانے پر حملہ کیا تھا۔

اقوام متحدہ میں فلسطین کی مستقل رکنیت رکوانے کی امریکی درخواست مسترد

دوسری جانب اسرائیلی اخبار نے دعویٰ کیا ہےکہ ایران ہفتے کی شب کیےگئے میزائل اور ڈرون حملے میں اسرائیل کے دیمونہ جوہری ری ایکٹر کو براہ راست نشانہ بنانے میں کامیاب رہا،اسرائیلی فوج کےفضائی دفاعی نظام نے ایران کے 99 فیصد نہیں 84 فیصد ہتھیاروں کو روکا سیٹلائٹ تصاویر کے مطابق دیمونہ ری ایکٹر پر ایک حملہ براہ راست ہوا جبکہ دو حملے اطراف میں ہوئے، اس کے علاوہ صحرائے نقب میں اسرائیلی فوجی اڈے پر چار ایرانی میزائل گرے، اڈے میں گرنے والے ایرانی میزائلوں کا ملبہ ملا ہے جبکہ اسرائیلی دفاعی نظام کے انٹرسیپٹر میزائلوں کی کوئی باقیات نہیں ملی۔

ایران اسرائیل کے جوہری ری ایکٹر کو براہ راست نشانہ بنانے میں کامیاب رہا،اسرائیلی اخبار

گزشتہ روز ایران کے سالانہ آرمی پریڈ ڈے پر تقریب سے خطاب کرتے ہوئے ایرانی صدر ابراہیم رئیسی نے اسرائیل کو سخت پیغام دیتے ہوئے کہا تھا کہ اسرائیل نے اگر آئندہ کوئی شرانگیزی کی تو اسے تیز تر اور طاقتور انتقامی کارروائی کا سامنا کرنا پڑے گا۔ انہوں نے کہا کہ ایران کی خودمختاری پر معمولی حملے کا جواب بھی انتہائی سخت ہو گا۔

اسرائیل معاہدے کیخلاف احتجاج کرنے پر گوگل کے درجنوں ملازمین برطرف