اسلاموفوبیا کیخلاف جامع حکمت عملی کیلئے انتونیوگریترس سے بلاول بھٹوزرداری کا مطالبہ
وزیرخارجہ بلاول بھٹوزرداری نے یواین سیکرٹری جنرل کو فون کرکے اسلام وفوبیا کے خلاف جامع حکمت عملی کے لیے اقوام متحدہ کی مشترکہ کاوشوں کا مطالبہ کیا ہے۔

Had the pleasure of speaking with UNSG @antonioguterres on telephone today. Thanked him for his leadership and support for Pakistan flood response. Highlighting challenges faced by developing countries for food security following supply chain disruptions. Exchanged views on… pic.twitter.com/w0LR1XaIhV

— BilawalBhuttoZardari (@BBhuttoZardari) July 26, 2023

سماجی رابطے کی ویب سائٹ ٹویٹر پر اپنی ٹویٹ میں وزیرخارجہ بلاول بھٹو زرداری نے لکھا کہ اقوام متحدہ کے سیکرٹری جنرل سے فون پر بات کی اور سیلابی صورتحال کے بعد ان کےتعاون پر شکریہ ادا کیا، بلاول بھٹو نے کہا کہ اقوام متحدہ (یو این) کے سیکرٹری جنرل انتونیو گوتیرس سے سپلائی چین میں تعطل آنے پر غذائی خدشات کے چیلنجز پر بات کی اور بلیک سی گرین انیشی ایٹوو کی مذاکرات کے ذریعے بحالی پرتبادلہ خیال کیا۔

وزیرخارجہ کے مطابق یو این سیکرٹری جنرل سے قرآن پاک کے حوالے سے واقعات پر بھی بات کی، اور اسلام وفوبیا کے خلاف جامع حکمت عملی کے لیے اقوام متحدہ کی مشترکہ کاوشوں کا مطالبہ کیا۔ خیال رہے کہ کوپن ہیگن، ڈنمارک کے دارالحکومت میں عراق کے بعد مصر کے سفارت خانے کے سامنے بھی ہونے والے مظاہرے میں دو انتہا پسندوں نے قرآن پاک کے نسخے کو جلانے کی ناپاک جسارت کردی۔
مزید یہ بھی پڑھیں؛
ورلڈ اسکریبل چیمپئن شپ: پاکستان کے عنایت اللہ نے لیٹ برڈ ٹورنامنٹ جیت لیا
بحیرہ روم کے نو ممالک میں آگ بھڑک اٹھی
پارلیمنٹ کا مشترکہ اجلاس،الیکشن ایکٹ ترمیمی بل 2023 منظور
پشاور،محرم الحرام کے موقع پر تمام ہسپتالوں میں طبی عملہ چوکس
باغی ٹی وی کے مطابق عالمی خبر رساں ادارے کے مطابق ڈنمارک میں ایک ہفتے کے دوران قرآن کی بے حرمتی کا یہ تیسرا واقعہ ہے جب کہ اس قبل سویڈن میں بھی رواں ماہ تین بار قرآن پاک کو نذر آتش کرنے کی مکروہ حرکت کی گئی۔ ڈنمارک کے دارالحکومت کوپن ہیگن میں منگل کے روز ایک مرتبہ پھر قرآن مجید کی بے حرمتی کی گئی ہے اور اسلام مخالف مٹھی بھر کارکنوں نے مصر اور ترکیہ کے سفارت خانوں کے سامنے قرآن مجید کے نسخے نذرآتش کیے ہیں۔ڈنمارک میں ایک ہفتے سے بھی کم عرصے میں مسلمانوں کی مقدس کتاب کی بے توقیری کے یہ نئے واقعات ہیں۔