لاہور:لاہور پولو کلب کے زیراہتمام کوکاکولا ایبک کپ کا 46 واں ایونٹ لاہور پولو کلب میں کل بروز منگل 15 نومبر کو شروع ہوگا۔ دو ہفتوں تک جاری رہنے والے اس ٹورنامنٹ میں پہلی بار آٹھ گول کی 12 ٹیمیں شامل ہیں جنہیں چار پولز میں تقسیم کیا گیا۔ لاہور پولو کلب کے صدر عمر صادق کے مطابق کوکاکولا نے تاریخی ایبک کپ کو سپانسر کیا ہے۔
Related Articles
پاکستان پولو ایسوسی ایشن کے اس کیلنڈر ایونٹ کا انعقاد اس سال 4-8 گول کیٹیگری میں کیا جا رہا ہے۔ زون اے میں باڑیز /ڈی ایس پولو، نیوایج کیبلز/ماسٹر پینٹس، ریمنگٹن فارما، زون بی میں ڈائمنڈ پینٹس، سلام پولو اور گارڈ رائس جبکہ پول سی میں ڈائمنڈ پینٹس /شیخو سٹیل، ریجاس اور ایف جی /دین پولو، زون ڈی میں ری ماؤنٹس، ماسٹر پینٹس بلیک اور پلاٹینم ہومز کی ٹیمیں شامل ہیں۔
ہر ٹیم میں غیرملکی کھلاڑی بھی شامل ہیں جو ارجنٹائن، انگلینڈ، ایران سے آئے ہوئے ہیں۔ آج بروز منگل 15 نومبر کو دو میچز کھیلے جائیں گے۔ دوپہر ڈیڑھ بجے باڑیز /ڈی ایس پولو کے درمیان جبکہ دوپہر اڑھائی بجے ڈائمنڈ پینٹس کا مقابلہ ماسٹر پینٹس بلیک سے ہوگا۔ بدھ کو پہلا میچ ساڑھے بارہ بجے ریمنگٹن فارما کا مقابلہ ڈائمنڈ پینٹس /شیخو سٹیل کی ٹیموں کے درمیان، دوپہر ڈیڑھ بجے گارڈ رائس کا مقابلہ ری ماؤنٹس سے جبکہ دوپہر اڑھائی بجے نیوایج کیبلز /ماسٹر پینٹس سے ہوگا اسی طرح دو ہفتے تک چاروں زونز کی ٹیمیں آپس میں مدمقابل ہونے کے بعد 27 نومبر بروز اتوار کو ہوگا۔
The post لاہور:کوکا کولا ایبک کپ کا 46 واں ایونٹ لاہور پولو کلب میں کل شروع ہوگا appeared first on Baaghi TV.
