પરિસ્થિતિનું ચક્ર
જિંદગીમાં આવે, પરિસ્થિતિ અનેક,
થોડી જે ગમતી, થોડી જે અણગમતી,
સારી ને સ્વીકારીએ, નબળી ને ધુત્કારીએ,
રોઈએ કે હસીએ, પરિસ્થિતિ જે આવે તે જ આવતી.
જ્યારે રમતી ઝૂમતી આવે પરિસ્થિતિ ગમતી,
બે હાથે આવકારી, છલકાઈ જઈએ આપણે,
હસીએ, કુદીએ, ગાઈએ, નાચવા લાગીએ,
ખીસું ભરાતા, ખાલી કરતા જઈએ આપણે.
પણ જ્યારે આવે, પરિસ્થિતિ અણગમતી,
તરત જ દૂર-દૂર ભાગવા, લાગીએ આપણે,
અંધકાર, પીડા, તકલીફ, દુઃખ-દર્દ જોઈને,
ભગવાન સામે રડવા લાગીએ આપણે.
જિંદગીમાં ઉડીએ ઉપર કે પછડાઈએ નીચે,
સંતુલન જાળવવાનું ચૂકી જઈએ આપણે,
સારા સમયમાં યાદ ન કરીએ કોઈને,
દુઃખમાં જે દેખાય તેની પાસે દોડી જઈએ આપણે.
- રાજન ચોક્સી