فیس بک پر آپ کی پوسٹ کتنے لوگوں تک جاتی ہے؟
کیا آپ بتاسکتے ہیں کہ فیس بک پر آپ کی پوسٹ کتنے دوست دیکھ سکتے ہیں ؟ اگر نہیں تو اس وقت سماجی رابطے کی ویب سائٹ پر جنگل کی آگ کی طرح پھیلی افواہ کو مانا جائے تو یہ تعداد محض 25 سے 26 ہے۔
Related Articles
جی ہاں واقعی فیس بک پر کروڑوں افراد تک یہ افواہ پھیل چکی ہے کہ اس ویب سائٹ کے الگورتھم میں کی جانے والی حالیہ تبدیلوں کے باعث اس کی پوسٹس دو درجن دوستوں ہی دیکھ سکتے ہیں۔
اس حوالے سے ایک پیغام بھی گردش کررہا ہے جس میں فیس بک صارفین اپنے دوستوں سے کہتے ہیں کہ وہ جواب میں محض ہائی یا ہیلو کمنٹ کرکے ظاہر کریں کہ یہ پوسٹ ان کی نیوزفیڈ پر نظر آئی ہے اور وہ منتخب کردہ 26 دوستوں میں سے ایک ہیں۔
دلچسپ بات یہ ہے کہ بیشتر افراد نے جب اس پوسٹ کو کاپی پیسٹ کیا تو جواب میں 26 سے زیادہ افراد نے کمنٹ کیا مگر پھر بھی لاکھوں افراد اس افواہ کو درست مان رہے ہیں۔
جس کی وجہ فیس بک کے بانی کا یہ اعلان تھا کہ اب نیوزفیڈ کا الگورتھم مخصوص افراد کی پوسٹس کو زیادہ ترجیح دے گا اور جتنے لوگ کسی پوسٹ پر کمنٹ وغیرہ کریں گے وہ نیوزفیڈ پر اوپر آتی جائے گی۔
یہی وجہ ہے کہ اس افواہ کو ماننے میں لوگوں کو کوئی ہچکچاہٹ نہیں ہوئی حالانکہ فیس بک کے ایک ترجمان نے اس کی واضح تردید کی ہے۔
ویسے فیس بک نیوز فیڈ کا الگورتھم کس طرح کام کرتا ہے وہ سمجھ سے باہر ہے کیونکہ وہ ہر وقت بدلتا رہتا ہے۔
مثال کے طور پر کسی اگر آپ اپنے نیوزفیڈ پر کچھ دن اسکرولنگ کرتے ہوئے پوسٹس کو ذہن میں رکھیں تو کبھی بھی مطابقت نظر نہیں آئے گی اور الگورتھم کچھ پراسرار انداز سے کام کررہا ہوگا۔
ایک مثال یہ بھی ہے کہ کسی قریبی دوست کی شادی کی تصاویر پر ماضی کے کسی جاننے والے کی ملازمت ملنے کی اپ ڈیٹ کو ترجیح دینے کا فیصلہ الگورتھم کس طرح کرتا ہے، وہ بتانا کسی کے بس کی بات نہیں۔
ویسے آپ چاہیں تو اپنے نیوزفیڈ کا کنٹرول خود بھی سنبھال سکتے ہیں اور اسے بہت حد تک اپنی پسند کا کرسکتے ہیں۔
اس کے لیے آپ کو ڈیسک ٹاپ پر دائیں جانب اوپر موجود ایرو پر کلک کرکے News Feed Preferences پر جانا ہوگا جبکہ موبائل پر سیٹنگز میں جاکر یہ آپشن ڈھونڈنا ہوگا۔
یہاں آپ اپنے دوستوں، پیجز اور دیگر کی پوسٹس کو ترجیح دے سکتے ہیں جو ہمیشہ نیوزفیڈ پر اوپر نظر آئیں گی۔
اسی طرح ایک اور فیچر سی فرسٹ ہے جس میں مطلوبہ فیس بک پروفائل پر جاکر فالوونگ کے بٹن پر کلک کریں گے تو نیچے ڈراپ مینیو میں سی فرسٹ آپشن پر کلک کردیں۔
The post فیس بک پر آپ کی پوسٹ کتنے لوگوں تک جاتی ہے؟ appeared first on ماہنامہ میرے محسن.
This post first appeared on Islamic Society Magazine | Islamic Magazine Around The Family, please read the originial post: here
